پنجشیرده‌گی محلي منبعلر طالبلر بو ولایتده دولت خادملری اوچون سلّه اۉره‌شنی مجبوري قیلگنینی معلوم قیلماقده.
منبعلرگه کۉره، طالبلرنینگ پنجشیرده‌گی امر به معروف و نهی از منکر کمیته‌سی دولت اداره‌لریده ایشلاوچی خادملر ایش وقتیده باشلریگه سلّه اۉره‌ب یوریشلری کېره‌ک، دېگن قرارگه کېلگن.
منبعلر بوندن اوّل هم طالبلرنینگ پنجشیر ولایتیده‌گی حاکمی مأموري ییغیلیشده خادملرگه نماز وقتیده باشلریگه سلّه اۉره‌شنی بویورگنینی اَیتماقده.
منبعلرگه کۉره، طالبلر مسووللری اوشبو بویروققه بۉیسونمه‌گن خادملر قماققه آلینیشی حقیده آگاهلنتیرگن.
طالبلر افغانستانده قَیته حاکمیتنی قۉلگه کیریتگنیدن بېری فقرالر، جمله‌دن دولت خدمتچیلری، اۉقووچیلر و طلبه‌لر کییمی همده تشقی کۉرینیشیگه نسبتاً کېنگ کۉلملی چېکلاولر جاري اېتیب کېلماقده.
بو گروه اوّل هم اَیریم ولایتلرده‌گی دولت مکتبلری اۉقووچیلرینی سلّه اۉره‌شگه مجبورله‌گن.
