دایکندی ولایتی‌نینگ شهرستان اواسواللیگیده محلي نفوذلی شخص تونده اوییده سِرلی طرزده اۉلدیریلگنی حقیده منبعلر خبر بېرماقده.
بیر منبع «اطلاعات روز» گزیته‌سیگه ایتیشیچه، غاوچان حدودیدن بۉلگن غلام محمد شهرستان اواسواللیگی‌نینگ آقسقاللریدن بیری بۉلگن.
منبعگه کۉره، غلام محمد کېچه، جمعه کونی (۸عقرب) اوییده ایکّی اۉق بیلن آتیب اۉلدیریلگن. منبع نینگ ایتیشیچه، آتیشمه وقتیده غلام محمد نینگ عایله اعضالریگه ضرر یېتمه‌گن.
ینه بیر منبع نینگ ایتیشیچه، غلام محمد نماز اۉقياتگن پیتده اونینگ تویی دېرَزه‌سیدن اۉق اوزیلگن.
حاضرگچه قاتللیک نینگ سببی و اونی صادر اېتگن شخصلر انیقلنمه‌گن. ده‌یکوندی ولایتیده‌گی طالبان نینگ محلي مسووللری بو قاتللیک حقیده حاضرچه هېچ نرسه دېمه‌گن. غلام محمد نینگ جسدی بوگون دفن اېتیلگن.
بیر هفته اوّل دایکندی‌نینگ خدیر تومنیده‌گی کيان حدودیده هم بیر ییگیت سِرلی طرزده آتیب اۉلدیریلگن اېدی. بو ییگیت حسن خدایی اسملی بۉلیب، او تونده دوکانیده نامعلوم شخصلر تامانیدن اۉلدیریلگن.
افغانستان ولایتلریده هر کونی سِرلی قاتللیکلر و جسدلرنینگ تاپیلگنی حقیده خبرلر ترقه‌لماقده. بو حالت طالبلر مملکت بۉیلب خوفسیزلیک تأمینلنگنینی دعوا قیله‌یاتگن بیر پیتده یوز بېرماقده.
