طالبلرنینگ بلخ ولایتی امنیه قوماندانلیگی‌نینگ خبر بېریشیچه، مزاری شریف شهریده‌گی «بازار باختر» تجارت مرکزیده یوز بیرگن یانغین عاقبتیده ۱۳۵ ته دوکان تۉلیق یانیب کېتگن.
اوشبو یانغین تیناوون (جمعه، ۸ عقرب) مزاری شریف شهری نینگ بېشینچی خوفسیزلیک حدودیگه قره‌شلی «بازار باختر» تجارت مرکزیده یوز بېرگن.
طالبلرنینگ بلخ ولایتی امنیه قوماندانلیگی بیاناتیده یانغین‌نینگ کېلیب چیقیشیگه برق ترماغیده‌گی قیسقه توته‌‌شوو، اونینگ تېز ترقه‌لیشیگه اېسه تجارت مرکزی‌نینگ نا درست قوریلگنی و یانغین‌نینگ آلدینی آلیش همده اۉچیریش اوچون ضرور جهازلرنینگ موجود اېمسلیگی سبب بۉلگنی ایتیلگن.
بیاناتده یانغین عاقبتیده یېتکزیلگن ضرر مقداری انیق کۉرسه‌تیلمه‌گن، بیراق میلیونلب دالر مقداریده مادّي ضرر یېتگنی بیلدیریلگن.
محلي منبعلر اوشبو یانغینده کمیده اوچ کیشی جراحتلنگنینی اَیتماقده.
«بازار باختر» تجارت مرکزی اساسي یۉل آستیده‌گی یېر آستی قِسمیده قوریلگن. اوشبو مرکز نینگ یانیشی عاقبتیده عمومي فایده‌لنیشده‌گی یۉل هم درز کېتگن.
منبعلر نینگ ایتیشیچه، حادثه‌‌نینگ آلدینی آلیش مقصدیده اوشبو یۉلده ترانسپورت حرکتی تعقیقلنگن.
