طالبلر رهبری هبتالله آخوندزاده کابلدن قندهارگه قَیتیش یۉلیده کمیده سکّیزته مسجد و جهادي مدرسه پایدېوارینی قۉیگن.
او تیناوون زابل ولایتی مرکزیده بیر عیدگاه مسجدی و بیر جامع مسجدینینگ تمل تاشینی قۉیگن.
طالبلر مطبوعات سوزلاوچیسی اۉرینباسری حمدالله فطرتنینگ ایتیشیچه، زابلدهگی عیدگاه مسجدی ۷۰ جریب، جامع مسجدی اېسه ۱۰ جریب یېر میدانیده قوریلیشی رېجهلشتیریلگن.
طالبلر رهبری زابلگه یېتیب کېلیشیدن آلدین غزنی ولایتیده هم بیر مسجد و بیر جهادي مدرسه پایدېوارینی قۉیگن.
ملا هبتالله میدان وردکده هم بیر جامع مسجدی و ۲۰۰ اۉرینلی شفاخانهنینگ تمل تاشینی قۉیگن.
طالبلرنینگ معلوم قیلیشیچه، اوشبو شفاخانه ۲۹ جریب یېر میدانیده قوریلهدی و اونینگ قیمتی ۳۶۵ میلیون افغانيدن آرتیق دېب بهالنماقده.
طالبلر رهبری کابلده هم ایکّیته مسجد و بیر جهادي مدرسه پایدېوارینی قۉیگن.
طالبلرنینگ معلوم قیلیشیچه، اوشبو شفاخانه ۲۹ جریب یېر میدانیده قوریلهدی و اونینگ قیمتی ۳۶۵ میلیون افغانيدن آرتیق دېب بهالنماقده.
طالبلر رهبری کابلده هم ایکّیته مسجد و بیر جهادي مدرسه پایدېوارینی قۉیگن.
کابلنینگ چمن حضوري حدودیده طالبلر رهبرینینگ نامی بیلن اتلهدیگن کتّه مسجد قوریلیشی رېجهلشتیریلگن.
طالبلرنینگ ایتیشیچه، اوشبو گروه رهبری کابلده بیر قطار مسجدلرنی هم فایدهلنیشگه تاپشیرگن.
طالبلرنینگ حج و وقف ایشلری وزیرلیگی جاري ییل نینگ اۉزیده فقط کابل شهریده ۶۰ ته مسجد قوریلگنی و ۵۰ دن آرتیق باشقه مسجد قَیته ترمیملنگنینی معلوم قیلگن.
طالبلر اوشبو مسجدلرنی قوریش اوچون صرفلنگن خرجتلر حقیده معلومات بېرمهگن.
طالبلر حاکمیتگه قَیتگنیدن سۉنگ افغانستانده دیني مدرسهلر و مسجدلر سانی آرتیب بارماقده.
مسجدلر قوریلیشی افغانستاندهگی اقتصادي یحران تاباره چوقورلشیب بارهیاتگن بیر پیتده دوام اېتماقده. بیرلشگن ملتلر تشکیلاتی معلوماتلریگه کۉره، مملکت اهالیسی نینگ یرمی انسانپرورلیک یاردمیگه محتاج.
