طالبلر کابل‌ده اوچ قوراللی اۉغری اۉلدیریلدی

اطلاعات روز
photo: @khalidzadran01 / X

طالبلرنینگ کابلده‌گی امنیه قوماندانلیگی‌نینگ سوزلاووچیسی خالد زدران بانک خادملری‌نینگ پوللرینی اۉغیرلش و ایکّی نفر بانک خادیمینی اۉلدیریشده اشتراک اېتگن «قوراللی اۉغریلردن» اوچ نفری کابل شهری نینگ ۱۱-پولیس‌ حوزه‌سیگه قره‌شلی ۳۱۵ منطقه‌ده اۉلدیریلگنینی معلوم قیلدی.

زدران ایکس اجتماعي ترماغیده نشر قیلگن بیاناتیده اوشبو شخصلر شنبه‌ کونی (۳۰عقرب) پولیس‌ عملیاتی دوامیده‌، اۉزارا آتیشمه نتیجه‌سیده اۉلدیریلگنینی یازگن.

اونینگ قۉشیمچه‌ قیلیشیچه، مذکور شخصلر بیلن علاقه‌دار ینه‌ یېتّی کیشی تیریکله‌یین قۉلگه آلینگن.

طالبلرنینگ کابلده‌گی پولیس مطبوعات سوزلاوچیسی‌ نینگ ایتیشیچه، تخمیناً اوچ هفته‌ اوّل اوشبو اوچ نفر قوراللی اۉغری کابل شهریده‌گی «لیسه مریم» منطقه‌سیده «افغان یونایتید بانک» موتریگه هجوم قیلگن. هجوم عاقبتیده بانک نینگ ایکّی نفر خادیمی هلاک بۉلگن، اۉغریلر اېسه معلوم مقدارده‌گی پولنی آلیب قاچگن.

خالد زدران نینگ تأکیدلشیچه، بو شخصلر باشقه‌ جنایتلرده، جمله‌دن، بغلان ولایتیده «نورجان» نامی بیلن تنیلگن «طیب» اسملی شخص نینگ اۉلدیریلیشیده هم اشتراک اېتگن.

اونینگ سۉزلریگه کۉره‌، اوشبو شخصلر تامانیدن آلیب قاچیلگن نورجانگه تېگیشلی موتر کېچه‌گی عملیات دوامیده‌ تاپیلیب، مصادره‌ قیلینگن.

زدران‌نینگ قۉشیمچه‌ قیلیشیچه، تخمیناً بیر هفته‌ اوّل اوشبو گروه بیلن علاقه‌دار ینه‌ یېتّی کیشی عملیات دوامیده‌ قۉلگه آلینگن و تېرگاودن سۉنگ محکمه اۉرگانلریگه تاپشیریلگن.

طالبلر بوندن اوّل هم حربي عملیاتلر دوامیده‌ «قوراللی اۉغریلیک»ده عیبلنگن بیر گروه یاشلرنینگ اۉلدیریلگنی حقیده بیر نېچه‌ بار خبر بېرگن. بیراق اَیریم حاللرده هلاک بۉلگنلرنینگ عایله‌ اعضالری بو شخصلر قوراللی اۉغری بۉلمه‌گنینی، طالبلر اېسه هېچ قنده‌ی اساسسیز یاکه اېتنیک و دیني طرف‌کشلیک سببلی بې‌گناه‌ انسانلرنی اۉلدیره‌یاتگنینی دعوا قیلگن.

شو بیلن بیرگه‌، تخمیناً اوچ هفته‌ اوّل، ۷عقرب کونی کابل شهری‌نینگ «لیسه مریم» منطقه‌سیده «هایلکس» روسوملی موترگه قیلینگن هجوم عکس اېتگن ویدیو ترقه‌لگن اېدی. واقعه‌ گواهلری ویدیوگه آلینگن تصویرلرده موتر ایچیده‌گی یۉلاوچیلردن بیری هلاک بۉلگنی، ینه‌ بیری اېسه یۉل اوستیده یاتگنینی ایتیشگن. حادثه‌ جاییدن ترقه‌لگن دهشتلی تصویرلرده قان ایزلری و قوراللی هجوم علامتلری عکس اېتگن.

از روزنامه‌نگاری مستقل حمایت کنید

محدودیت‌های گسترده بر رسانه‌ها و فضای عمومی در افغانستان، دسترسی شهروندان به اطلاعات مستقل را محدود کرده است. در چنین شرایطی، «اطلاعات روز» متعهدانه و مستقل به کار خود ادامه می‌دهد تا حقیقت قربانی خاموشی و فراموشی نشود.

ما وابسته به هیچ قدرتی نیستیم و تنها برای مردم می‌نویسیم.

مأموریت ما افشای فساد، بازتاب صدای سرکوب‌شدگان، تقویت پاسخگویی صاحبان قدرت، و پشتیبانی از چشم‌اندازی است که در آن همه شهروندان افغانستان از حقوق و آزادی‌های برابر برخوردار باشند و در صلح زندگی کنند.

خبرنگاران ما در شرایط دشوار و گاه خطرناک فعالیت می‌کنند تا گزارش‌های دقیق، منصفانه و مبتنی بر واقعیت منتشر شود و روایت‌های مردم به حاشیه رانده نشود. تداوم این کار، به حمایت مخاطبان و حامیان مستقل وابسته است.

هر کمک، فارغ از میزان آن، به ادامه روزنامه‌نگاری مستقل کمک می‌کند. اگر امکان کمک مالی ندارید، همرسانی این درخواست و تشویق دیگران به حمایت نیز سهمی مهم در تقویت این مسیر دارد.

در کنار حقیقت بایستید
از اطلاعات روز حمایت کنید

برای حمایت اینجا کلیک کنید
بو مقاله نی اوله شینگ
بدون دیدگاه