ایران یېتکرمهلرینینگ خبر بېریشیچه، مسعود پزشکیان اېرتهگه (سهشنبه،۲-سرطان) پاکستانگه تشریف بویورهدی.
صدا و سیما خبریگه کۉره، جمهور ریاستینینگ جماعتچیلیک بیلن علاقهلر باش مدیری حبیب عباسی اوشبو سفر احتمال بیر کون دوام اېتیشینی معلوم قیلگن.
اونینگ ایتیشیچه، تشریفدن کۉزلنگن اساسي مقصدلر اوّلگی سفرلر دوامیده اېریشیلگن کېلیشوولرنینگ اجراسینی کۉریب چیقیش، ایکّی دولت اۉرتهسیدهگی اقتصادي همکارلیکنی کېنگهیتیریش امکانیتلرینی محاکمه قیلیش همده پاکستان نینگ ایران و امریکا اۉرتهسیدهگی واسطهچیلیک سعی-حرکتلری اوچون منّتدارلیک بیلدیریشدن عبارت.
بو مسعود پزشکيان نینگ ایران جمهور رییسی صفتیدهگی پاکستانگه ایکّینچی تشریفی بۉلهدی. او اۉتگن ییل اسد آییده هم ایکّی کونلیک رسمي سفر بیلن اسلام آبادگه بارگن اېدی.
مذکور تشریف پاکستان واسطهچیلیگیده ایران و امریکا اۉرتهسیده شرطنامه امضالنگنی همده پاکستان و قطر واسطهچیلیگیده ایکّی تامان اۉرتهسیدهگی ایلک تخنیکي مذاکرهلر اۉتکزیلگنیدن کېین عملگه آشیریلماقده.
