«افغانستان آزادلیک جبههسی» اۉز کوچلری ننگرهار-کنر عمومی قتناو یۉلیده طالبلر نظارت پوستهسیگه اویوشتیرگن هجومده اوشبو گروهنینگ اوچ اعضاسی اۉلدیریلگن و ینه ایکّی نفری یرهلنگنینی معلوم قیلدی.
جبهه ترقتگن بیاناتگه کۉره، هجوم تیناوون (چهارشنبه، ۳-سرطان) ساعت۱۲:۲۵اطرافیده ننگرهار ولایتینینگ شیوه اولسواللیگیده عملگه آشیریلگن.
«افغانستان آزادلیک جبههسی» هجوم تفصیلاتلری و اۉز کوچلری آرهسیدهگی احتمالي تلفاتلر حقیده قۉشیمچه معلومات بېرمهگن.
طالبلرنینگ ننگرهاردهگی محلي مسووللری حاضرچه اوشبو هجوم یوزهسیدن ایضاح بېرمهگن.
مذکور جبهه سۉنگّی کونلرده مملکتنینگ شرقي ولایتلریده طالبلرگه قرشی ینه بیر نېچه هجوملر عملگه آشیریلگنی حقیده هم خبر بېرگن.
طالبلر عادتده اۉزیگه قرشی قوراللی گروهلر هجوملری حقیده ایضاح بېرمهیدی، بیراق بیرلشگن ملتلر تشکیلاتی شوندهی هجوملرنی تصدیقلهگن.
