«افغانستان ملي مقاومت جبههسی» اۉز کوچلری هرات ولایتینینگ گذره اولسواللیگیده ایکّی کیشی طالبلر اعضاسینی یۉق قیلگنینی معلوم قیلدی.
جبهه ایکس اجتماعي ترماغیده نشر قیلگن بیاناتیده، هجوم جمعه آقشامی (۵-سرطان) ساعت تخمیناً۹:۳۰ده گذره اولسوالیگیگه قرهشلی هرات-قندهار ایلنمه یۉلی نینگ اوچ یۉلی منطقهسیده عملگه آشیریلگنینی بیلدیردی.
بیاناتگه کۉره، هجوم عاقبتیده گیزمه خدمتینی اۉتهیاتگن طالبالرنینگ الفاروق قول اردوسی بیرینچی لوا کشف کندکینینگ ایکّی نفر خادیمی اۉلدیریلگن.
شونینگدېک، هجوم دوامیده تینچ اهالی همده «افغانستان ملي مقاومت جبههسی» جنگچیلری آرهسیده جبرلنگنلر بۉلمهگنی قید اېتیلگن.
طالبان حاضرچه اوشبو واقعه یوزهسیدن هېچ قندهی ایضاح بېرمهگن.
طالبان اۉزیگه قرشی قوراللی گروهلرنینگ مملکتدهگی حربي فعالیتی و جسماني موجودلیگینی رد اېتیب کېلهدی همده اولرنینگ دعوا قیلهیاتگن هجوملری یوزهسیدن عادتده مناسبت بیلدیرمهیدی.
بیراق، بیرلشگن ملتلر تشکیلاتی اۉز گزارشلریده «افغانستان ملي مقامت جبههسی» و «افغانستان آزادلیک جبههسی» تامانیدن طالبانگه قرشی اویوشتیریلگن اَیریم هجوملرنی تصدیقلهگن.
