«افغانستان آزادلیک جبههسی» طالبلرنینگ تخاردهگی چاهآب اولسواللیگی پولیس قوماندانلیگیگه راکت هجومی اویوشتیرگنینی معلوم قیلدی
جبههنینگ اعلان قیلگن بیاناتگه کۉره، هجوم تیناوون (یکشنبه،۷-سرطان) کېچهسی عملگه آشیریلگن و ایکّی تامان اۉرتهسیدهگی تۉقنهشوو قریب یریم ساعت دوام اېتگن.
«افغانستان آزادلیک فرونت جبههسی» هجوم عاقبتیده طالبان «کتّه تلفات و مادّي ضرر» کۉرگنینی همده واقعه جاییده کمیده «اوچ نفر هلاک بۉلگن جنگچینینگ جسدی» کوزهتیلگنینی دعوا قیلگن.
جبهه اۉز کوچلری آرهسیدهگی احتمالي یۉقاتیشلر یاکه هجوم تفصیلاتلری حقیده قۉشیمچه معلومات بېرمهگن.
تخار ولایتیدهگی طالبان محلي رسميلری حاضرچه اوشبو هجوم یوزهسیدن ایضاح بېرمهگن.
«افغانستان آزادلیک فرونت جبههسی» بوندن اوّل هم کېچه تونده بدخشان ولایتینینگ کشم تومنیدهگی طالبلر اولسواللیک بناسیگه هجوم قیلگنینی دعوا قیلگن اېدی.
