محلي منبعلرنینگ ایتیشیچه، خوست ولایتیده خصوصي تلویزیونده آشپز بۉلیب ایشلهیاتگن سابق حربي عمرانالله سِرلی طرزده دۉستلری تامانیدن اۉلدیریلگن.
بیر محلي منبعنینگ معلوم قیلیشیچه، واقعه تیناوون (دوشنبه، ۸-سرطان) صادر بۉلگن.
منبع شخصینی آشکار اېتمسلیک شرطی بیلن «اطلاعات روزگه» ایتیشیچه، عمرانالله سِرلی طرزده اۉز دۉستلری تامانیدن اۉلدیریلدی.
عمرانالله افغانستان سابق جمهوریتی دوریده پکتیکا ولایتیده چېگره پولیس صفیده خدمت قیلگن. طالبان حاکمیتنی قَیته اېگهلهگنیدن سۉنگ اېسه او غرغشت خصوصي تلویزیونیده آشپز بۉلیب ایشلهیاتگن اېدی.
حاضرچه قاتللیکنینگ سببی نامعلوم. محلي طالبان رسميلری هم بو حادثه یوزهسیدن حاضرگچه هېچ قندهی ایضاح بېرمهگن.
افغانستانده سابق حربيلرنینگ سِرلی قاتللیکلری منتظم روشده کوزهتیلماقده. بیراق اکثریت حاللرده بوندهی جنایتلرنینگ عیبدارلری انیقلنمهیدی یاکه آشکار اېتیلمهیدی.
طالبان رهبری هبتالله آخوندزاده “عمومي عفو” اعلان قیلیب، سابق حربيلردن قصاص آلیشنی تعقیقلهگن اېدی.
شونگه قرهمهی، کۉپلب حجتلر و دلیللر، خصوصاً، بیرلشگن ملتلر تشکیلاتی حساباتلری اَیریم حاللرده طالبان اعضالری سابق حربيلرنینگ اۉلدیریلیشیگه علاقهدار اېکنینی کۉرسهتهدی.
