بیرلشگن ملتلر تشکیلاتینینگ انسانپرورلیک یاردمنی موافقلشتیریش اداره (اوچا) افغانستاندهگی محتاج عایلهلرگه یاردم کۉرسهتیش اوچون مبلغ یېتیشمسلیگی اولرنی نهایتده آغیر تنلاولر قرشیسیده قالدیرهیاتگنینی معلوم قیلدی.
اوچا بوگون (پنجشنبه، ۱۱-سرطان) ایکس اجتماعي ترماغیده یازیشیچه، آزیق-طعام تأمیناتی کفالتی بۉلمهگن شرایطده عایلهلر قوییدهگی تنلاولرگه دوچ کېلماقده:
«بوگون طعاملنیش یاکه اېرتهگه اوچون آزیق-طعامنی سقلب قالیش، دارو ساتیب آلیش یاکه نان خرید قیلیش، حیاتینگیزنی سقلب قالهدیگن نرسهنی سقلب قالیش یاکه اونی ساتیشگه مجبور بۉلیش».
تشکیلاتنینگ تأکیدلشیچه، بوگونگی یاردم میلیونلب افغانستان عایلهلری اوچون اېرتنگی امان قالیش امکانیتینی انگلهتهدی.
بو حالت ۲۰۲۶-ییل اوچون افغانستان نینگ انسانپرورلیک احتیاجلر و جواب رېجهسی ییل نینگ یرمی اۉتگنیگه قرهمهی، ضرور مبلغ نینگ اتیگی۱۷ فایزینی آلگنی یانیده یوز بېرماقده.
رېجهگه ضرور بۉلگن۱.۷۱میلیارد امریکا دالریدن حاضرگچه اتیگی۲۹۲ میلیون دالر اجرهتیلگن.
ناروې قاچقینلر کېنگشی اېسه افغانستاندهگی انسانپرورلیک یاردم اوچون اجرهتیلهیاتگن مبلغ تاریخدهگی اېنگ پست درجهگه توشگنینی بیلدیردی.
کېنگش باش کاتبی یان ایگلند بیاناتیده ایتیشیچه، جاري ییلده ایلک بار افغانستان دنیانینگ اېنگ کۉپ اعتباردن چېتده قالگن بحرانلری رۉیخطیگه کیریتیلگن.
