پولند پولیسی اوشبو مملکتگه ناقانوني کیریشگه اورینگن۵۴ کیشی مهاجرنی، جملهدن۱۵ نفر افغانستان یشاوچیسینی قۉلگه آلگنینی معلوم قیلدی.
پولند پولیسی بوگون (جمعه،۱۲ سرطان) ایکس اجتماعي ترماغیده اعلان قیلگن بیاناتیده، مهاجرلر لیتوانی چېگرهسی آرقهلی مملکت حدودیگه کیریشنی رېجهلشتیرگنینی بیلدیردی.
بیاناتگه کۉره، قۉلگه آلینگنلر آرهسیده۳۰نفر پاکستانلیک،۱۵ نفر افغانستانلیک و۹ نفر بنگلهدېشلیک بار.
پولند پولیسی حبسگه آلیش جریانیگه عاید صورتلرنی هم نشر قیلدی. اولرده اۉنلب آدملرنینگ مېتال کانتېنېر ایچیده اۉتیرگنی عکس اېتگن.
معلوم قیلینیشیچه، اداری جریانلر یکونلنگچ، اوشبو مهاجرلر لیتوانی رسميلریگه تاپشیریلهدی.
مهاجرلرنی قبول قیلیش دستورلری قیسقرتیریلگنی و مهاجرت قانونلری ینه-ده قطعيلشتیریلگنیگه قرهمهی، آسیا و افریقا مملکتلریدن اروپاگه ناقانوني مهاجرت آقیمی هنوز دوام اېتماقده.
شو بیلن بیرگه، افغانستانده جمهوریت توزومی قولهگنی و طالبان حاکمیتگه قَیتگنیدن سۉنگ کېنگ ترقهلگن قشّاقلیک، ایشسیزلیک همده کېلهجککه بۉلگن امیدسیزلیککه دوچ کېلگن کۉپلب افغانستان یاشلری اروپاگه باریشنی عایلهسینی قۉللب-قوّتلش و اۉز کېلهجگینی قوریش نینگ یگانه یۉلی دېب بیلماقده. شو سببلی اولر اروپاگه یېتیب باریش اوچون حتا خوفلی و ناقانوني یۉللرنی هم تنلهماقده.
