سابق «سلام وطندار» رادیوسی خبرچیسی صوفيا محمدزی سرطان کسللیگی بیلن بیر نېچه ییل کورهشگنیدن سۉنگ کابلدهگی شفاخانهلردن بیریده وفات اېتدی.
«سلام وطندار» رادیوسینینگ خبر بېریشیچه، صوفيا محمدزی چهارشنبه کونی (۲۱-اسد) عالمدن اۉتگن.
صوفيا بیر نېچه ییل دوامیده “سلام وطندر” رادیوسیده ژورنالیست، باشلاوچی و دستور تیارلاوچیسی صفتیده فعالیت یوریتگن. شونینگدېک، او باشقه بیر قطار عامهوي اخبارات واسطهلری بیلن هم همکارلیک قیلگن.
«سلام وطندر» اونی «سېرغیرت، فدایی و مسوولیتلی ژورنالیست» دېب تعریفلهگن.
مذکور یېتکرمه اونینگ یقینلریگه تهیهنیب خبر بېریشیچه، صوفيا اوزاق ییللر ژورنالیست ساحهسیده فعالیت آلیب بارگنیدن سۉنگ سرطان کسللیگیگه چهلینگن. اونی دوالش خرجتلرینی قاپلش مقصدیده دۉستلری انترنت آرقهلی خیریه مبلغلرینی ییغیش کمپاینینی هم یۉلگه قۉیگن اېدی.
چېگره بیلمس ژورنالیستلر (آر اس اف) تشکیلاتی معلوماتیگه کۉره، طالبلرژورنالیستلر و عامهوي اخبارات واسطهلریده عیاللر فعالیتیگه کېسکین چېکلاولر جاري اېتگنیدن سۉنگ، عیال ژورنالیستلر نینگ قریب۸۰ فایزی اۉز ایشیدن اَیریلگن.
