«افغانستان ملي مقاومت جبههسی» فیض آباد شهریدهگی طالبلر شاروالیگه اویوشتیریلگن هجوم اوچون جوابگرلیکنی اۉز ذمّهسیگه آلدی و اوشبو طالبلر رسميسی هلاک بۉلگنینی معلوم قیلدی.
جبهه بیاناتیده ایتیلیشیچه، اونینگ کوچلری طالبلر شاروالی بۉلگن موترنی بدخشان ولایتی حاکملیگی بناسیدن ۱۰۰متر اوزاقلیکده نشانگه آلگن.
بیاناتگه کۉره، طالبلر حاکمی قۉریقچیلری بیلن بیرگه هلاک بۉلگن.
اوّلراق منبعلر بدخشان مرکزی فیض آباددهگی طالبلر شهرداری عبدالرحمان منصور نینگ موتر پارتلهتیلگنی حقیده خبر بېرگن اېدی.
بیر منبع «اطلاعات روز» گزېتهسیگه معلوم قیلیشیچه، پارتلش بوگون توش پیتی (پنجشنبه، ۲۲-اسد) شهرنینگ اېسکی شهر حدودیده، شهردارلیک بناسی یقینیده صادر بۉلگن. منبعگه کۉره، پارتلش طالبلرنینگ بدخشاندهگی حاکمی موتریگه اۉرنهتیلگن مگنیتلی ماین سببلی یوز بېرگن.
منبع نینگ ایتیشیچه، بدخشاندهگی طالبلر شهرداری دستلب یرهلنگن و خصوصي شفاخانهلردن بیریگه آلیب باریلگن. اونی دولت شفاخانهسیگه کۉچیریش وقتیده وفات اېتگن. بیراق اوشبو طالبلر رسميسی نینگ هلاک بۉلگنی حاضرچه باشقه منبعلر تامانیدن تصدیقلنمهگن.
بدخشاندهگی طالبلرنینگ محلي رسميلری حاضرگچه پارتلش و فیض آباددهگی اوشبو گروه شهرداری نینگ احوالی حقیده ایضاح بېرمهگن.
