د غزني ښار د مرکز اړوند د «قلعه شهاده» او «قلعه کلوخک» سیمو اوسېدونکي وايي، شاوخوا دوه نیم کاله وړاندې د سیمې وکیلانو د برېښنا د راوستلو لپاره له هرې کورنۍ پیسې ټولې کړې، خو له دې مودې وروسته لا هم برېښنا نشته او د برېښنا رسولو پروژه درېدلې ده.
دوی د یوه اوسېدونکي د «اطلاعات روز» ورځپاڼې ته په یوه پیغام کې ویلي چې په قلعه شهاده او قلعه کلوخک کې له ۸ تر ۱۰ په لومړیو ورځو کې د څه مودې لپاره کار وکړ، خو وروسته د پروژې چارې ودرول شوې؛عه شهاده او قلعه کلوخک اوسېدونکي غواړي د پروژې د درېدلو لامل روښانه او راټولو شویو پیسو د حساب ورکولو او د پروژې د مسوولانو د ځواب ویلو غوښتنه کوي.
د دغو سیمو یوه اوسېدونکي د «اطلاعات روز» ورځپاڼې ته په یوه پیغام کې ویلي چې په قلعه شهاده او قلعه کلوخک کې له ۸ تر ۱۰ زرو پورې کورنۍ ژوند کوي او له لومړنیو ژوندانه اسانتیاوو څخه هم بې برخې دي.
د هغه په وینا، دوه نیم کاله وړاندې د سیمې وکیلانو له هرې کورنۍ څخه د برېښنا د راوستلو په موخه ۱۵ زره او ۵۰۰ افغانۍ په درې قسطونو کې راټولې کړې او له یوې قراردادي شرکت سره یې د برېښنا د شبکې د جوړولو قرارداد وکړ.
د هغه په خبره، یاد شرکت په لومړیو ورځو کې د څه مودې لپاره کار وکړ، خو وروسته د پروژې چارې ودرول شوې؛ په داسې حال کې چې زرګونه کورنۍ لا هم د برېښنا په تمه دي.
سرچینې زیاته کړې چې د قلعه شهاده او قلعه کلوخک اوسېدونکي غواړي د پروژې د درېدلو لامل روښانه او د راټولو شویو پیسو بشپړ حساب ورکړل شي.
هغوی له سیمهییزو طالب چارواکو او د برېښنا له رسوونکي شرکت څخه غواړي چې دا موضوع په جدي توګه وڅېړي.
هغه وویل: «خلک حق لري پوه شي چې پیسې یې څه شوې او ولې له دوه نیمو کلونو وروسته لا هم په تیارو کې ژوند کوي.»
د سیمې د وکیلانو له خوا د اضافي پیسو اخیستل
د قلعه شهاده یوه اوسېدونکي وویل چې د دې سیمې وکیلانو له خلکو څخه د نورو سیمو په پرتله ۵۰۰ افغانۍ زیاتې اخیستې دي.
د هغه په وینا، د مهاجرینو ښارګوټي، توحیدآباد او نورو سیمو له اوسېدونکو څخه د برېښنا د شبکې د جوړولو لپاره ۱۵ زره افغانۍ راټولې شوې، خو د قلعه شهاده او قلعه کلوخک له اوسېدونکو څخه ۱۵ زره او ۵۰۰ افغانۍ اخیستل شوې دي.
سرچینې وویل، ادعا کېږي چې دغه اضافي ۵۰۰ افغانۍ د سیمې وکیلانو ترمنځ وېشل شوې دي.
هغه زیاته کړه چې خلک غواړي له قلعه شهاده او قلعه کلوخک څخه د اضافي پیسو اخیستلو دلیل روښانه شي.
افغانستان خپله برېښنا له ګاونډیو هېوادونو څخه هم واردوي. له دې سره سره، وارداتي برېښنا د هېواد د اړتیا یوازې یوه برخه پوره کوي. د ملګرو ملتونو د معلوماتو له مخې، د افغانستان ۴۲ سلنه نفوس برېښنا ته لاسرسی لري چې له دې ډلې ۹۰ سلنه په ښاري سیمو کې ژوند کوي.
