افغانستان‌نینگ هرات ولایتیده‌گی طالبلر خوفسیزلیک قوماندانلیگی هرات شهریده‌گی گروه‌نینگ «خوفسیزلیک غرفه‌لریدن»دن بیریده پارتلش صادر بۉلگنینی تصدیقله‌دی.
طالبلرنینگ هرات ولایتیده‌گی خوفسیزلیک قوماندانی مطبوعات سوزلاوچیسی سید مسعود حسینی‌نینگ ایتیشیچه، پارتلش قنده‌ی صادر بۉلگنیگه عاید دستلبکی تېکشیروولر اۉتکزیلگن. دستلبکی معلوماتلرگه کۉره، «اوشبو حادثه تصادفن و حدودده موجود بۉلگن اۉق-داریلر بیلن باغلیق حالده صادر بۉلگن، نتیجه‌ده خوفسیزلیک غرفه‌سی ضرر کۉرگن». اونینگ ایتیشیچه، پارتلش عاقبتیده تینچ اهالیگه ضرر یېتمه‌گن.
حسینی پارتلش‌نینگ انیق وقتی و جایی حقیده معلومات بېرمه‌گن.
پارتلشدن بیر نېچه ساعت آلدین هرات شهری نینگ ۸-ناحیه‌سیده‌گی طالبلرنینگ خوفسیزلیک پُستلریدن بیریده پارتلش صادر بۉلگنی حقیده خبرلر ترقه‌لگن اېدی. اوشبو خبرلرگه کۉره، پارتلشلر عاقبتیده کمیده بېش کیشی یره‌لنگن، بیراق طالبان بو رقمنی تصدیقله‌مه‌گن.
