طالبلرنینگ مالیه وزیرلیگی دولت درآمدلرینی الکترون طرزده ییغیش اوچون بیر قطار بانکلر و مالیوي مؤسسه‌لر بیلن اۉزارا شرطنامه‌لری امضالنگنینی معلوم قیلدی.
اوشبو وزیرلیک نینگ بوگون (پنج‌شنبه، ۷ عقرب) نشر قیلگن بیاناتیده ایتیلیشیچه، مذکور شرطنامه‌گه اساسن مرکز، ولایت و اواسواللیکلرده‌گی دولت درآمدلری الکترون طرزده دولت خزینه‌سیگه ییغیله‌دی.
طالبلرنینگ مالیه وزیرلیگی مالیوي مؤسسه‌لر هر بیر تعرفه اوچون ۱۰ افغاني مقداریده خدمت حقی آلیشی و ییغیلگن پوللرنی الکترون تیزیم آرقه‌لی مرکزي بانککه تاپشیریشینی معلوم قیلگن.
وزیرلیک‌نینگ قۉشیمچه قیلیشیچه، دولت درآمدلرینی ییغیش جریانی نینگ الکترونلشتیریلیشی مالیوي ایشلرنی تېزلشتیره‌دی و آسانلشتیره‌دی، نقد پول تشیش ضرورتینی کمه‌یتیره‌دی، شونینگدېک، درآمدلرنی ییغیش جریانیده شفّافلیکنی تأمینلش اوچون شرایط یره‌ته‌دی.
تأکیدلش جایزکی، طالبلر سۉنگگی بېش ییل دوامیده کېنگ کۉلمده سالیقلر جاري اېتگن بۉلسه-ده، درآمدلر نینگ مقداری و اولرنینگ قنده‌ی صرفلنیشی حقیده معلومات بېرمه‌ی کېلماقده.
مذکور گروه حکومتی اۉز بودجه حجتینی هم عامه‌گه نشر قیلمه‌یدی.
