منبعلر پنجشیر ولایتی‌نینگ دره اولسواللیگی عبدالله خیل حدودی اهالیسیدن ینه آلتی کیشینی طالبلر حبسگه آلگنینی اَیتماقده.
منبعلر بو شخصلرنی «فاروق، عبدالواحد، قربان‌علی، ماشاءالله، محمدآغا و شاه‌رمضان» دېب تنیشتیردی.
منبعلرگه کۉره، بو شخصلر تیناوون (چهارشنبه، ۶عقرب) طالبلرنینگ دره تومنیده‌گی عنابه منطقه‌سی‌نینگ دشتک قیشلاغیده جایلشگن مخصوص بۉلینمه‌سیگه آلیب کېتیلگن.
طالبلر جاري هفته دوامیده دره تومنی اهالیسیدن ینه کمیده آلتی کیشینی حبسگه آلگن.
بیر منبع نینگ ایتیشیچه، حبسگه آلینگنلر نینگ اَیریملری طالبانگه قرشی کوره‌شگن سابق قوماندانلردن بیری «قاسم دره» نینگ عایله اعضالریدیر.
منبعلرگه کۉره، طالبلر اوشبو قوماندان نینگ یقین قرینداشلرینی ایکّی هفته اوّل عبدالله خیلده صادر بۉلگن و «یشیل حرکت» اۉز ذمّه‌سیگه آلگن پارتلشگه علاقه‌دارلیکده گمان قیلیب حبسگه آلگن.
منبعلر «روند سبز» طالبلرنینگ حربي مو‌ترینی پارتله‌تیب یوبارگنیدن سۉنگ، طالبان عبدالله خیل اهالیسی اوچون قتّيق چېکلاولر جاري قیلگنینی اَیتماقده.
منبعلرگه کۉره، طالبلر یقینده اوشبو حدودگه آلیب بارووچی یۉل بۉیلب تۉرتته نظارت-اۉتکزیش پسته تشکیل قیلگن و اهالینی سۉراق قیلماقده.
