انگلستان‌نینگ لیمینگتون سپا شهریده بیر قطار مدنی فعاللر و یاشلر فرهنگی محفل اۉتکزیب، اۉزبېک تیلی ملي کونینی نشانله‌دیلر.
محفلده سۉزگه چیققنلر آنه تیلینی، اینیقسه، مهاجر عایله‌لرنینگ فرزندلری آره‌سیده اسره‌ب-اوه‌یلش و رواجلنتیریش مهم‌لیگینی تأکیدلب، یاش اولاد اوچون اۉزبېک تیلینی اۉرگنیش مهم اېکنینی ایتدیلر.
اولر مهاجر عایله‌لرده آنه تیلینی سقلب قالیش کېله‌جک اولادگه ملي مدنیت، ادبیات و تیلگه عاید قدریتلرنی یېتکزیشده مهم اهمیتگه اېگه اېکنینی تأکیدله‌دیلر.
محفل دوامیده بیر قنچه فعاللر اۉزبېک تیلیده‌گی شعرلرنی هم اۉقیب بېردیلر. شونینگدېک، مهاجرلر آره‌سیده اۉزبېک تیلی و ادبیاتینی قۉللب-قوّتلش مهم‌لیگی حقیده فکر بیلدیریلدی.
تشکیلاتچیلرنینگ ایتیشیچه، تدبیرنی اۉتکزیشدن مقصد آنه تیلینی اسره‌ب-اوه‌یلش، اۉزبېک مدنیتینی رواجلنتیریش همده یاشلر و باله‌لرنی اۉزبېک تیلینی اۉرگنیشگه رغبتلنتیریشدن عبارت.
