تورکيه‌‌نینگ هراتده‌گی باش قنسوللیگی افغانستان فقرالریگه قنسوللیک خدمتلری کۉرسه‌تیش و ویزه بېریش جریانینی رسماً باشله‌دی.
باختر خبریگه کۉره، تورکيه‌‌نینگ هراتده‌گی باش قنسولی تزجان قاضی‌اوغلو حاضرده اوشبو قنسوللیک تامانیدن سوداگرلر اوچون تجاري ویزه، بېمارلر اوچون دوالنیش ویزه‌سی و محصللر اوچون اۉقیش ویزه‌سی بېریلیشینی ایتگن.
اونینگ قۉشیمچه قیلیشیچه، مذکور ویزه‌لرنی آلیش اوچون عریضه‌لر ویزه آلیش مرکزی آرقه‌لی تاپشیریلیشی کېره‌ک. هر بیر عریضه‌چیدن ویزه، سوغورته و خدمتلر اوچون جمعی ۲۲۰دالر اوندیریله‌دی.
تورکيه‌‌نینگ هراتده‌گی باش قنسولی افغانستانلیک سوداگرلرنینگ تورکيه‌گه سفرلرینی یېنگیللشتیریش، شونینگدېک، تورکيه‌لیک سوداگرلر نینگ هراتگه باریشی اوچون شرایط یره‌تیش اوشبو ولایتده‌گی اقتصادي علاقه‌لرنی کېنگه‌یتیریش و امکانیتلرینی انیقلشگه یاردم بېره‌دیگن دستورلردن اېکنینی تأکیدله‌گن.
تورکيه طالبلر افغانستان‌ده قَیته حاکمیتگه کېلگنیدن بویان بو گروه بیلن علاقه‌ده بۉلیب کېلماقده و کابلده‌گی اېلچیخانه‌سینی آچیق سقلب کېلماقده.
شو بیلن بیرگه، تورکيه هنوزگچه افغانستان‌نینگ سابق حکومتی نینگ کۉپلب نفوذلی رهبرلری و طالبانگه قرشی بۉلگن شخصلرنی اۉز توپراغیده قبول قیلیب کېلماقده.
