جاپان اېلچیلیگی، مملکتینینگ افغانستان شِمالیدهگی زلزله جبرلنگنلریگه مۉلجللنگن فوقالعاده یاردمی بوگون (شنبه، ۱۷ عقرب) کابلگه یېتکزیلدی دېب معلوم قیلدی.
اېلچیلیک، اوشبو یاردم افغانستان قیزیل خاچ و قیزیل یریم آی جمعیتی همده خلق ارا قیزیل خاچ و قیزیل یریم آی فدراسیونیگه تاپشیریلگنینی قۉشیمچه قیلدی.
یاردم ترکیبیده کمپل و توشک بار بۉلیب، شمالي ولایتلرگه یېتکزیلیشی رېجهلشتیریلگنینی بیلدیدیردی اېلچیلیک.
جاپاننینگ افغانستاندهگی اېلچیسی کنیچی ماساموتو «مذکور فوقالعاده یاردملر اېنگ محتاج آدملرگه تېزده یېتیب باریشیگه امید بیلدیردی».
اونینگ قۉشیمچه قیلیشیچه، «جاپانخلقی، اینیقسه شو قیین پیتده، افغانستان خلقیگه همدردلیک بیلدیرهدی».
اۉتگن یکشنبه کېچهسی یوز بېرگن زلزله مملکت شمالي ولایتلرینی تیترهدی و اېنگ کۉپ ضرر و قربانلیکلرنی سمنگان و بلخ ولایتلریده قالدیردی.
اوچانینگ معلوماتلریگه کۉره، اوشبو زلزلهده۲۵کیشی هلاک بۉلگن و۹۸۴ کیشی جراحت آلگن.
