سوئیس تشقی ایشلر وزیرلیگینینگ معلوم قیلیشیچه، ایران و امریکا اۉرتهسیده بوگون (جمعه ۲۹ جوزا) سوئیسنینگ مرکزي قِسمیدهگی «بورگن اشتوک» ساحلیده اۉتکزیلیشی رېجهلشتیریلگن مذاکرهلر کېچیکتیریلگن.
وزیرلیکنینگ قۉشیمچه قیلیشیچه، سوئیس اوشبو مذاکرهلرنی اۉتکزیشگه کۉمکلشیشگه تیار بۉلیب قالماقده و «بورگن اشتوک» اولرنی تشکیل اېتیش بۉییچه تیارگرلیک ایشلری دوام اېتماقده.
سوئیس تشقی ایشلر وزیرلیگی حاضرچه بو بارهده قۉشیمچه معلومات بېره آلمهسلیگینی بیلدیرگن.
بو بیانات امریکا جمهور رئیسی اۉرین باسری جی دیونسنینگ ایران بیلن مذاکرهلرده اشتراک اېتیش اوچون سوئیس گه رېجهلشتیریلگن سفری بېکار قیلینگنیدن سۉنگ اعلان قیلیندی.
رېجهگه کۉره، ایران و امریکا اۉرتهسیدهگی کېلیشوو بوگون سوئیس ده یوزمه-یوز امضالنیشی، شوندن سۉنگ اونی عملگه آشیریش بۉییچه مذاکرهلر باشلنیشی کېرهک اېدی.
امریکا جمهور رییسی دونالد ترامپ و ایران جمهور رییسی مسعود پزشکيان اوشبو کېلیشوونی چهارشنبه کونی الکترون شکلده امضالهگن اېدی.
حاضرچه مذاکرهلرنینگ نیمه سببدن کېچیکتیریلگنی انیق اېمس، بیراق رویترزنینگ یازیشیچه، ایران ایکّی دولت جمهور رییسلری تامانیدن کېلیشوو امضالنگچ، اونینگ یوزمه-یوز امضالنیشینی «کېرهکسیز» دېب حسابلهگن.
