اسرایل اوردوسینینگ معلوم قیلیشیچه، اوشبو مملکت قوماندانلریدن بیری «دور بن شمعون» و ینه اوچ نفر عسکر جَنوبي لبنانده اۉلدیریلگن.
اسرایل اوردوسی مطبوعات سۉزلاوچیسی افی دفرین، بوگون (جمعه،۲۹ جوزا) نشر قیلگن بیاناتده اوشبو حربيلر کېچه تونده جَنوبي لبناندهگی تۉقنهشوو وقتیده هلاک بۉلگنینی بیلدیرگن.
اونینگ ایتیشیچه، هلاک بۉلگن اوچ عسکرنینگ عایله اعضالریگه بو حقده خبر بېریلگن، اما اولرنینگ اسملری حاضرچه عامهگه اعلان قیلینمهگن.
خلق ارا یېتکرمهلرنینگ خبر بېریشیچه، اوشبو واقعهدن سۉنگ اسرایل جَنوبي لبناندهگی حدودلرگه کوچلی هوا هجوملرینی باشلهگن.
رویترزگه کۉره، لبنان ساغلیقنی سقلش معلوماتیگه اساسن، هجوملر عاقبتیده کمیده۱۸ کیشی اۉلدیریلگن.
اسرایل نینگ لبنان و حزباللهگه قرشی هجوملری ایران و امریکا اۉرتهسیدهگی کېلیشوو امضالنگنیگه قرهمهی دوام اېتماقده.
مذکور کېلیشووگه بناءً، امریکا، ایران و اولرنینگ اتفاقچیلری لبنان همده باشقه جبههلردهگی اوروش و حربي عملیاتلرنی تۉختهتیش مجبوريتینی آلگن اېدی.
ایران آلدینراق اسرایل نینگ لبناندهگی هجوملرینی امریکا بیلن اېریشیلگن کېلیشوو نینگ بوزیلیشی دېب بهالهگن. شونینگدېک، امریکا جمهور رییسی دونالد ترامپ هم سۉنگّی کونلرده اسرایل نینگ لبناندهگی حرکتلرینی بیر نېچه بار تنقید قیلیب، اۉت آچیشنی تۉختهتیش رژیمی برچه (جبهه)لرده، جملهدن لبنانده هم، بجریلیشی کېرهکلیگینی تأکیدلهگن.
