قطر تشقی ایشلر وزیرلیگی قطر و پاکستان رسميلری واسطهچیلیگیده سوئیسنینگ بورگناشتوک شهریده ایران و امریکا اۉرتهسیدهگی مذاکرهلر باشلنگنینی معلوم قیلدی.
الجزیره خبریگه کۉره، وزیرلیک اوشبو مذاکرهلر کېلیشوویده نظرده توتیلگن برچه مسألهلرنی قمرهب آلووچی کېنگ قمراولی و دایمي کېلیشوو بیلن یکونلنیشیگه امید بیلدیرگن.
خبرده ایتیلیشیچه، قطر تشقی ایشلر وزیرلیگی یکوني کېلیشوو بندلرینی محاکمه قیلیش اوچون مخصوص تخنیکي و مسلکی گروهلری توزیلگنینی بیلدیرگن. اوشبو گروهلر امریکا و ایران اۉرتهسیدهگی شرطنامهنینگ برچه جهتلرینی قمرهب آلهدیگن مسألهلر اوستیده ایش آلیب بارهدی.
وزیرلیک، شونینگدېک، کېلیشوو اجراسینی کوزهتیش، اېریشیلگن یوتوقلرنی نظارت قیلیش و یکوني کېلیشووگه اېریشیش اوچون علیحده مانیترینگ گروهلری هم تشکیل اېتیلگنینی معلوم قیلگن.
قطر تشقی ایشلر وزیرلیگی بیاناتیده بو قدم برچه تامانلرنینگ مذاکرهلرنی یخشی نیت بیلن دوام اېتتیریش و کېنگ قمراولی همده برقرار کېلیشووگه اېریشیش یۉلیدهگی قطعیتینی نمایان اېتیشی تأکیدلنگن.
بو ایران و امریکا رسميلری اۉرتهسیده اۉت آچیشنی تۉختهتیش و ایکّی دولت اۉرتهسیدهگی اوروش یکونلنگنیدن کېین اۉتکزیلهیاتگن ایکّینچی یوزمه-یوز مذاکرهلر حسابلنهدی. مذاکرهلرنینگ بیرینچی باسقیچی جاري ییل نینگ۱۹ حمل کونی صلح اعلان قیلینگنیدن سۉنگ پاکستان پایتختی اسلام آبادده بۉلیب اۉتگن، بیراق او نتیجهسیز یکونلنگن اېدی.
اوشبو مذاکرهلرده ایران هیئتیگه مملکت پارلمانی رئیسی محمد باقیر قالیباف، امریکا هیئتیگه اېسه جمهور رئیس اۉرین باسری جیدی ونس باشچیلیک قیلماقده.
