آلمان عامهوي اخبارات واسطهلرینینگ خبر بېریشیچه، حکومت «جنایت صادر اېتگن مهاجرلر»نی افغانستانگه دېپورت قیلیشنی کوچهیتیریش مقصدیده ینه آلتی نفر طالبلر دیپلوماتینی قبول قیلیشگه راضی بۉلگن.
«اندیآر» یېتکرمهسی نینگ معلوماتیگه کۉره، بو کېلیشوو اۉتگن هفته تورکيه نینگ استانبول شهریده طالبلر نمایندهلری و آلمان ایچکی ایشلر وزیرلیگی همده یوقاری درجهدهگی دیپلوماتلر اۉرتهسیده اۉتکزیلگن مخفي اوچرهشووده اېریشیلگن.
خبرده ایتیلیشیچه، کېلیشووگه کۉره کېلگوسیده هر آی آلماندن افغانستانگه اوچته چارتر پروزا آرقهلی عملگه آشیریلهدی. شونینگدېک، دېپورتلر عادي یۉلاوچی پروازلر آرقهلی هم بجریلیشی ممکن.
آلمان تشقی ایشلر وزیرلیگی هم طالبان بیلن استانبولدهگی مذاکرهلرنی و افغانستانگه دېپورتلرنی کېنگهیتیریشنی تصدیقلهگن.
«اندیآر»نینگ یازیشیچه، طالبان اوزاق وقتدن بېری دېپورت جریانیده همکارلیک قیلیشنی آلمانده کۉپراق دیپلوماتیک وکیللر جایلشتیریش شرطی بیلن باغلب کېلگن.
اولرنینگ مقصدی دېپورت قیلینهیاتگن شخصلرنینگ افغانستان وطنداشی اېکنینی انیق تصدیقلش و قَیتیش حجتلرینی رسميلشتیریش اېکنلیگی ایتیلهدی.
گزارشگه کۉره، آلمان اوّلیگه طالبان دیپلوماتیک وکالتلرینی کېنگهیتیریشگه قرشی بۉلگن، بیراق کېینچهلیک جریان اۉزگریب، آلدین رېجهلشتیریلگن بیر دېپورت پرواز کېچیکتیریلگن و کېینراق عملگه آشیریلگن. اونده۳۲ نفر «جنایتچی مهاجر» از لایپزیکدن کابلگه یوباریلگن.
حاضرده برلندهگی افغانستان اېلچیخانهسی و بن شهریدهگی قنسوللیکده طالبان نینگ ایکّی دیپلوماتی فعالیت یوریتماقده و اولر عملده اوشبو وکالتخانهلرنی باشقرهیاتگنی ایتیلهدی.
آلمان سۉنگگی ییللرده مملکتده پیچاق بیلن صادر اېتیلگن هجوملر آرتیدن جنایتگه علاقهدار مهاجرلرنی، جملهدن افغانستان وطنداشلرینی هم افغانستانگه دېپورت قیلیشنی قَیته یۉلگه قۉیگن.
