منبعلرنینگ دایکندی ولایتی نینگ سنگ تخت و بندر اولسواللیگیدن معلوم قیلیشیچه، طالبلر اوشبو اولسواللیک مرکزیدهگی قیزلر لیسهسی مدیرهسینی سمارت فونینی تاپشیریشدن باش تارتگنی سببلی حبسگه آلگن.
منبعلرگه کۉره، تیناوون (دوشنبه،۱-سرطان) طالبان کوچلری مکتب اۉقیتووچیلرینینگ سمارت فونلرینی ییغیب آلیش اوچون مذکور مکتبگه بارگن.
بیر منبع نینگ ایتیشیچه، «بندر مرکزی قیزلر لیسهسی» مدیرهسی طیبیه حافظي مابیل تیلفونینی تاپشیریشدن باش تارتگنیدن سۉنگ طالبلر تامانیدن حبسگه آلینگن. منبعگه کۉره، او دوشنبه کونی کېچگچه طالبان نظارتیده بۉلگن.
منبعلر طالبلر اَیریم عیال اۉقیتووچیلر و قیز اۉقووچیلرنی هم کلتکلهگنینی بیلدیرماقده.
اولر نینگ سۉزلریگه کۉره، طالبلرنینگ اَیریم قوراللی اعضالری ایکّینچی و اوچینچی صنف اۉقووچیلریگه قورال اۉقتهلیب، اۉقیتووچیلرنینگ تیلفونلری قهیېرگه یشیریلگنینی کۉرسهتیشنی طلب قیلگن.
طالبان دولت ادارهلری خادملری تامانیدن سمارت فونلردن فایدهلنیشنی تعقیقلهگن.
بو گروهنینگ آگاهلنتیریشیچه، یانیده سمارت فون آلیب یورگن هر قندهی خادم حربي محکمهگه تاپشیریلهدی.
شونینگدېک، طالبان خادملردن اۉز مابیل تیلفونلرینی سیندیریب تشلشنی طلب قیلگن.
