طالبلرنینگ بلخ ولایتی امنیه قوماندانلیگینینگ معلوم قیلیشیچه، ولایتده یوز بېرگن ایکّی علیحده ترافیک حادثهسی نتیجهسیده بیر عیال و بیر اېرکک جان بېرگن ینه ایکّی کیشی جراحت آلگن.
طالبلر امنیه قوماندانلیگی مطبوعات سۉزلاوچیسی محمدعیسی وثیق نینگ ایتیشیچه، اوشبو حادثهلر تیناوون (سهشنبه، ۲-سرطان) بلخ-جوزجان و بلخ-حیرتان یۉنلیشلریده یوز بېرگن.
اونینگ معلومات بېریشیچه، بیرینچی حادثه بلخ–جوزجان قتناوو یۉلیده صادر بۉلگن. ایکّی یېنگیل موترنینگ تۉقنهشووی عاقبتیده بیر عیال هلاک بۉلگن و ینه ایکّی کیشی تورلی درجهده تن جراحتی آلگن.
ایکّینچی حادثه اېسه بلخ-حیرتان یۉلیده یوز بېرگن. اونده موترسیکل تیلر بیلن اۉز ارا تۉقنهشگن. نتیجهده موترسیکل هیداوچیسی واقعه جاییده جان بېرگن.
رسميلرنینگ بیلدیریشیچه، هر ایکّله ترافیک حادثهسیگه هیداوچیلرنینگ احتیاطسیزلیگی سبب بۉلگن.
