امریکا ملی کوچلری مرکزی قوماندانلیگی (سنتکام) سوريهده عملگه آشیریلگن هوا هجومی نتیجهسیده داعشنینگ یوقاری مرتبهلی قوماندانلریدن بیری «علی حسین العلیوی»، هلاک بۉلگنینی معلوم قیلدی.
سنتکام بوگون (چهارشنبه، ۳-سرطان) نشر قیلگن بیاناتیده اوشبو داعش قوماندانی بېش کون اوّل سوريه نینگ شِمالی-غربیده اۉتکزیلگن انیق هوا ضربهسی نتیجهسیده اۉلدیریلگنینی بیلدیردی.
بیاناتده قید اېتیلیشیچه، مذکور عملیات امریکانینگ خارجدهگی یاکه مملکت حدودیدهگی امریکا فقرالریگه هجوم قیلیشنی رېجهلشتیرهیاتگن ترورچیلرنی انیقلش و یۉق قیلیش بۉییچه دوام اېتهیاتگن سعی-حرکتلری نینگ بیر قِسمی دیر.
سنتکام قوماندانی برد کوپرنینگ ایتیشیچه، «سنتکام و همکارلریمیز داعش قالدیقلرینی بوتونلهی یۉق قیلیشگه صادق قالهدی. مقصدیمیز اوشبو ترورچی گروه نینگ اوزیل-کېسیل مغلوبیتینی تأمینلش دیر.»
سنتکا معلوماتیگه کۉره، امریکا منطقوي همکارلری بیلن بیرگهلیکده داعش گه قرشی حربي عملیاتلرنی دوام اېتتیرهدی.
سوريهده بشر الاسد حکومتی قولهگنی و «هیأت تحریر شام» رهبری احمد الشرع باشچیلیگیدهگی ینگی دولت حاکمیتگه کېلگنیدن بویان سنکام بیر نېچه بار داعش نشانلریگه قرشی ضربهلر بېرگنی همده گروه نینگ بیر قطار قوماندانلری یۉق قیلینگنینی معلوم قیلگن.
شو دور ایچیده سوريهده امریکا کوچلریگه قرشی هم بیر نېچته هجوملر صادر اېتیلگن بۉلیب، اولرنینگ مسوولیتینی داعش اۉز ذمّهسیگه آلگن.
