افغانستان یېتکرمهلرینی قۉللب-قوّتلش تشکیلاتی (امسو) نینگ معلوم قیلیشیچه، طالبلر کابلده عاشورا مراسمینی یاریتهیاتگن عیال ژورنالیستنی حبسگه آلگن.
تشکیلات بیاناتیده ایتیلیشیچه، ژورنالیست همکسبلری بیلن بیرگه کېچگچه طالبلرنینگ حوزه بۉلیملریدن بیریده اوشلب توریلگن. کېینچهلیک یېتکرمه مسووللری و اولرنینگ عایله اعضالری واسطهچیلیگیده آزاد اېتیلگن.
امسو خوفسیزلیک نقطهٔ نظریدن ژورنالیست نینگ شخصی همده او بیلن بیرگه حبسگه آلینگن همکسبلری سانینی آشکار قیلمهگن.
تشکیلات نینگ بیلدیریشیچه، عیال ژورنالیستگه «نامحرم تصویرچی» بیلن بیرگه بۉلگنی بهانهسی بیلن نااۉرین، تهدیدلی و قۉرقیتیشگه قرهتیلگن مناسبتده بۉلینگن.
امسو، شونینگدېک، ژورنالیستلرگه شیعهلرنینگ مذهبی مراسملرینی عامهوي اخبارات واسطهلریده یاریتیش تعقیقلنگنینی معلوم قیلدی. تشکیلات بو چېکلاونی اساسسیز دېب بهالب، اونی سۉز اېرکینلیگی و اخبارات آلیش حقوقی نینگ آچیقدن-آچیق بوزیلیشی صفتیده قارهلهدی.
طالبلر شیعهلرنینگ محرّم و عاشورا عزادارلیک مراسملریگه نسبتاً قطعي چېکلاولر جاري اېتگن بۉلیب، صورتگه آلیش و عامهوي اخبارات واسطهلریده یاریتیشنی تعقیقلش هم انه شو چېکلاولر قطاریگه کیرهدی.
شونگه قرهمهی، بوگون افغانستان نینگ بیر قطار ولایتلریده عاشورا عزدارلیک مراسملری اۉتکزیلدی.
