ساغلیقنی سقلش منبعلرینینگ معلوم قیلیشیچه، ارزگان ولایتینینگ مرکزی تیرینکوت شریده پولیو کسللیگینینگ ینه بیر ایجابي حالتی انیقلنگن.
ارزگان ولایتی شفاخانهسیدهگی بیر منبع بوگون (پنجشنبه، ۲۲-اسد) اطلاعات روزگه معلوم قیلیشیچه، ایکّی یاشلی قیزهلاقده پولیو کسللیگی تصدیقلنگن.
منبعنینگ ایتیشیچه، اوشبو قیزهلاق تیرینکوت تومنیگه قرهشلی «سرخوم» حدودی استقامت قیلهدی.
اونینگ سۉزلریگه کۉره، باله بیر نېچه آی اوّل پولیو علامتلری بیلن شفاکارلرگه مراجعت قیلگن و یقینده اۉتکزیلگن لابراتوار تېکشیروولری نتیجهسیده اونده کسللیک مثبت اېکنی تصدیقلنگن.
جهان ساغلیقنی سقلش تشکیلاتی اۉتگن هفته افغانستانده جاري ییل دوامیده۱۵ ته پولیو حالتی قید اېتیلگنینی معلوم قیلگن. بو کۉرستکیچ مملکتنی دنیاده ینگی پولیو حالتلری اېنگ کۉپ قید اېتیلگن دولتگه ایلنتیرگن.
