جَنوبدهگی قندهار، زابل، ارزگان و هلمند ولایتلریدهگی منبعلرنینگ معلوم قیلیشیچه، طالبلر دوکاندارلر و تدبیرکارلرگه ۲۴اسدگچه ایش جایلریگه اوشبو گروهنینگ آق بیراغینی اۉرنهتیشنی بویورگن.
منبعلرگه کۉره، طالبلرنینگ خوفسیزلیک بۉلینمهلری بازارلرده گیزمه قیلیب، آواز کوچهیتیرگیچلر آرقهلی آدملردن اوشبو بویروقنی امکان قدَر تېزراق بجریشنی طلب قیلگن.
منبعلرنینگ ایتیشیچه، طالبلر دوکان اېگهلری و تدبیرکارلر ۲۴اسدگچه طالبان بیراغینی اۉرنهتمسه، اولرنینگ سودا و ایش جایلری یاپیلیشینی آگاهلنتیرگن.
۲۴اسد طالبان بېش ییل اوّل، ۲۰۲۱-ییلده کابلنی اېگهللب، افغانستان اوستیدن نظارتنی قَیته قۉلگه آلگن کونگه تۉغری کېلهدی.
طالبان ۲۴-اسدنی دَم آلیش کونی دېب اعلان قیلگن و بو کوننی رسماً نشانلشی کوتیلماقده.
