بیر منبع نینگ ایتیشیچه، بدخشان ولایتینینگ نسی اولسواللیگیده طالبلرگه تېگیشلی بیر تیک اوچر جمعهخان فاتح طرفدارلری تامانیدن هجومگه اوچرهگن و «قولهب توشگن».
منبع «اطلاعات روز» گزیتهسیگه بېرگن معلوماتیده ایتیشیچه، اوچته تیک اوچردن بیری عسکرلر، قالگن ایکّیته تیک اوچر اېسه اۉق-داریلر بیلن یوکلنگن بۉلگن. اولر نسی اولسواللیگی مرکزیگه قۉنیشگه اورینهیاتگن پیتده هجومگه اوچرهگن.
منبع نینگ ایتیشیچه، اۉق-داریلر آرتیلگن تیک اوچر قولهب توشگن.
منبعگه کۉره، تیک اوچر قالدیقلری نینگ قولهب توشیشی عاقبتیده بیر باله هلاک بۉلگن.
طالبلرنینگ محلي رسميلری و مدافعه وزیرلیگی حاضرگچه بدخشاندهگی تیک اوچر نینگ قولهگنی حقیدهگی دعواگه مناسبت بیلدیرگن اېمس.
منبع نسی اولسواللیگیده جنگلر جوده شدّتلی دوام اېتهیاتگنینی ایتگن.
اوّلراق منبعلر جمعهخان فاتح باشچیلیگیدهگی، طالباندن ناراضی بۉلگن کوچلر بیلن طالبلر اۉرتهسیدهگی تۉقنهشوولر دوامیده طالبان تیک اوچری اوشبو اولسواللیک نینگ ینگی بازار حدودیده فاتح کوچلری تامانیدن هوادن هجومگه اوچرهگنی حقیده خبر بېرگن اېدی.
«اطلاعات روز» گزیتهسیگه بېرگن معلوماتیده بیر منبع ایتیشیچه، بوگون تانگگچه جنگاور چیزیق نسی تومنی بازاریده بۉلگن. بیراق فاتح کوچلری بازار نینگ ویران بۉلیشی نینگ آلدینی آلیش اوچون «دوآبگی» کۉپریگی حدودیگه چېکینگن. منبع نینگ ایتیشیچه، جنگلر عیناً شو حدودده دوام اېتماقده.
طالبلر ایچیدهگی منبعلر هم عامهوي اخبارات واسطهلریگه بېرگن صحبتلریده فاتح طرفدارلری بیلن تۉقنهشوولر بۉلهیاتگنینی تصدیقلهگن.
