طالبلرنینگ نورستان ولایتی امنیه قوماندانلیگی سۉزلاوچیسی محمدحسن ثاقب، ولایت نینگ نورگرام اولسواللیگیده یوز بېرگن ترافیک حادثهسی عاقبتیده ایکّی کیشی هلاک بۉلگنی و ینه تۉرت کیشی جراحتلنگنینی معلوم قیلدی.
ثاقب نینگ ایتیشیچه، حادثه پنجشنبه کونی کېچقورون (۲۲ اسد) نورگرام اولسواللیگینینگ «شمگل» حدودیده صادر بۉلگن.
اونینگ سۉزلریگه کۉره، واقعه وقتیده «داکسن» روسوملی موتر یۉلدن چیقیب کېتیب، اغدریلگن. نتیجهده ایکّی کیشی هلاک بۉلگن، ینه تۉرت کیشی جراحتلنگن.
حاضرده طالبلر نظارتی آستیده فعالیت یوریتهیاتگن دولت نینگ باختر اخبارات آژانسی ثاقب گه تهیهنیب، مذکور حادثه هیداوچی نینگ احتیاطسیزلیگی عاقبتیده یوز بېرگنینی خبر قیلگن.
