حماس ایکّی اۉن ییل آلدین،۲۰۰۷ییلده غرهنی باشقریش اوچون توزیلگن «فوق العاده کمیته» ترقهتیب یوباریلگنینی و وصلاحیتلرنی «غزا ملي باشقروو کمیتهسی»گه تاپشیریشگه تیار اېکنینی معلوم قیلدی.
الجزیره خبریگه کۉره، حماس حکومتی اخبارات ادارهسی باشلیغی اسماعیل الثوابته دوشنبه کونی (۱۵-سرطان) شوندهی دېگن:
«فوق العاده کمیته ترقهتیب یوباریلدی» ۲۰۲۵-ییل اکتوبر آییده اېریشیلگن اۉت آچیشنی تۉختهتیش کېلیشوویگه موافق، امریکا قۉشمه ایالتلری جمهور رییسی دونهلد ترامپ باشچیلیگیدهگی غزه تینچلیک تشبثی حدودنی باشقریش اوچون مدنی توزیلمه یرهتیشنی نظرده توتگن اېدی.
شو اساسده جاري ییل جنوری آییده «غزه ملي باشقروو کمیتهسی» تشکیل اېتیلدی. بیرلشگن ملتلر تشکیلاتی کۉمهگیدهگی اوشبو کمیتهگه «علی شعث» رهبرلیک قیلماقده و اونینگ قرارگای مصر پایتختی قاهرهده جایلشگن.
حماسنینگ فوق العاده کمیتهنی توگهتگنینی تصدیقلهگنیدن سۉنگ، «علی شعث» باشچیلیگیدهگی کمیته غزهدهگی اداری باشقروونی اۉز ذمّهسیگه آلیشگه تیار اېکنینی بیلدیردی.
او دوشنبه کونی ایکس اجتماعي ترماغیده شوندهی یازدی: «بیز غزه ملي باشقروو کمیتهسی ضرور شرایط و چارهلر یرهتیلیشی بیلناق ملي مسوولیتنی اۉز ذمّهسیگه آلیشگه تۉلیق تیار اېکنینی تصدیقلهیمیز.»
اونینگ تأکیدلشیچه، کمیتهنینگ ثمرهلی فعالیتی اوچون یگانه قانوني وکالتلرگه اېگه بۉلگن باشقروو اۉرگانی و اونگه حسابدار یگانه خوفسیزلیک تیزیمی ضرور.
حماسنینگ غزهدهگی باشقروو توزیلمهسینی توگهتگنی و ینگی کمیتهگه حاکمیتنی تاپشیریشگه تیارلیگینی بیلدیرگنیدن سۉنگ، اسرایل بو قدمنی تینچلیک کېلیشووی دایرهسیده عملگه آشیریلگنیگه قرهمهی، «یېتکرمه نمایشی» دېب بهالهدی.
الجزیره خبریگه کۉره، اسرایل عامهوي اخبارات واسطهلری و اَیریم رسميلر حماس نینگ بو قرارینی «یېتکرمه نمایشی و چلغیتیش اصولی» دېب اتهگن.
اسرایل نینگ فکریچه، حماس بو آرقهلی غزه اوستیدن نظارتنی تاپشیریشگه تیار اېمسلیگی حقیدهگی عیبلاولرنی رد اېتیشگه اورینماقده.
سۉنگگی آیلر دوامیده اسرایل غزه سکتوریدهگی نظارتینی کېنگهیتیریب، حدود نینگ۷۰ فایزدن آرتیغینی اۉز نظارتیگه آلگن.
اسرایل باش وزیری بنیامین نتانیاهو سۉنگگی هفتهلرده بیر نېچه بار شوندهی دېگن:
«حماس تۉلیق قورالسیزلنتیریلمهگونچه، نه قَیته قوریش، نه قۉشینلرنی آلیب چیقیش و نه بو مسألهلر بۉییچه مذاکرهلر بۉلهدی.»
الجزیره نینگ یازیشیچه، حماس باشقروو توزیلمهسینی توگهتگنی و قورالسیزلنیشگه تیارلیگینی بیلدیرگنیدن کېین، اسرایل غزهده ملي باشقروو کمیتهسی اشتراکیسیز قورالسیزلنیش جریانینی قندهی عملگه آشیرماقچی اېکنی حاضرچه نامعلوم.
حماس اېسه تلآویونینگ ینگی پازیتسيهسیگه جوابن، اسرایل غزهده «اداری بۉشلیق» یوزهگه کېلتیریشگه اورینهیاتگنینی بیلدیردی.
حماس مطبوعات کاتبی نینگ ایتیشیچه، اسرایل بیرلشگن ملتلر تشکیلاتینی قۉللب-قوّتلهیاتگن تکنوکرات کمیتهسی نینگ غزه باشقرووینی اۉز قۉلیگه آلیشینی تۉسیب، حدودده اداری بۉشلیق یرهتیشگه حرکت قیلماقده.
حماسگه کۉره، غزهدهگی عملدهگی باشقروو اۉرگانی نینگ توگهتیلیشی حاکمیتنی غزه ملي باشقروو کمیتهسیگه تاپشیریشنی آسانلشتیریش اوچون ضرور قدمدیر. بیراق اسرایل اوشبو کمیته نینگ غزه سکتوریگه کیریشیگه تۉسقینلیک قیلماقده.
حماس خلق ارا واسطهچیلرنی اسرایلگه باسیم اۉتکزیب، حاکمیتنی تاپشیریش جریانیگه تۉسقینلیک قیلیشنی تۉختهتیشگه چقیردی.
