امریکا جمهور رییسی دونالد ترامپ، ناتو دولتلری باشلیغلری ییغینیده اشتراک اېتیش اوچون تورکيه نینگ انقره شهریگه یېتیب کېلدی.
تورکيه جمهور رییسی رجب طیب اردوغان ترامپنی قۉنالغهده کوتیب آلدی.
ناتو (شمالي اتلانتیکه شرطنامهسی تشکیلاتی)گه اعضا دولتلر رهبرلری نینگ ۳۶-ییغینی تورکيه پایتختی انقرهده بۉلیب اۉتماقده.
آناتولی اخبارات آژانسی خبریگه کۉره، ییغین نینگ اساسي موضوعی مدافعه صنعتیگه سرمایه کیریتیش و ایشلب چیقریشنی رواجلنتیریشدن عبارت.
ناتوگه اعضا دولتلر رهبرلری ۸-جولای کونی تورکيه جمهور رییس ریاستی مجموعهسیده ییغیلهدی.
شونینگدېک، بوگون تورکيه جمهورلیک ریاستی مجموعهسیده ناتوگه اعضا دولتلرنینگ مدافعه و تشقی ایشلر وزیرلری اشتراکیده ییغیلیشلر همده تورلی دستورلر اۉتکزیلهدی.
ناتو تامانیدن اعلان قیلینگن دستورگه کۉره، ییغین یکونیده مهم بیانات اعلان قیلینهدی.
آناتولی نینگ یازیشیچه، ییغین دایرهسیده مدافعه صنعتیگه بغیشلنگن بیر قطار اختصاصلشگن ییغیلیشلر اۉتکزیلهدی. اونده ناتو باش کاتبی مارک روته همده اوکراین جمهور رییسی والادیمیر زلنسکي هم نطق سۉزلهیدی.
