امریکا قۉشمه ایالتلرینینگ جمهور رییسی دونالد ترامپ مملکتی ایراننینگ دېنگیز قملینی ینه تیکلشی و هرمز بۉغازینی حمایه قیلیشینی معلوم قیلدی.
ترامپ بوگون (دوشنبه، ۲۲سرطان) تروثسوشیال ترماغیده یازیشیچه: «بو قمل فقط ایران کېمهلری یاکه اونینگ مزاجلرینینگ کیریشی و چیقیشینی تۉختهتهدی. باشقه برچه دولتلر بۉغازدن اېرکین و عدالتلی فایدهلنیشده دوام اېتهدی.»
اونینگ قۉشیمچه قیلیشیچه، بوندن بویان امریکا «هرمز بۉغازینینگ قۉریقچیسی» صفتیده تنیلهدی و دنیانینگ اوشبو کېسکین حدودیده خوفسیزلیکنی تأمینلش خرجتلرینی قاپلش اوچون بۉغاز آرقهلی تشیلهدیگن برچه یوکلرنینگ قیمتی یاکه تشیش خرجتینینگ۲۰ فایزی مقداریده تۉلاو آلهدی.
ترامپ «اوشبو میکانیزمنی عملگه آشیریش و تشکیل اېتیش درحال باشلنهدی»، دېب تأکیدلهدی.
شونینگدېک، او هرمز بۉغازی آچیق اېکنینی و «ایران بیلن یاکه ایرانسیز هم آچیق قالیشینی» دعوا قیلدی.
امریکا ایران بیلن اوروشنی یکونلش بۉییچه کېلیشوو امضالنگچ، اوشبو دولتنینگ دېنگیز قملینی بېکار قیلگن اېدی. ایران هم هرمز بۉغازی کېمهلر خوفسیز حرکتلنیشی اوچون آچیقلیگینی اعلان قیلگن اېدی.
بیراق ایران و امریکا اۉرتهسیدهگی ماجرا ینه کوچهیگنیدن سۉنگ، تیناوون ایران اسلام انقلابی قۉریقچیلری هرمز بۉغازی یاپیلگنینی معلوم قیلدی.
شونگه قرهمهی، امریکا رسميلری هرمز بۉغازی هنوز آچیق اېکنینی و کېمهلر اوشبو دېنگیز یۉلهگیدن قانوني روشده حرکتلنیشی ممکنلیگینی بیلدیرماقده.
