جَنوبي کوریا مثلی کۉریلمهگن ایسّیق تۉلقینی بیلن کورهشماقده. حاضرگچه ایسّیق بیلن باغلیق کسللیکلر عاقبتیده کمیده۱۶ کیشی وفات اېتگن.
یونهاپ اخبارات آژانسی خبریگه کۉره، ۱۵-ميدن بویان ایسّیق تۉلقینی سبب یوزهگه کېلگن کسللیکلر طفیلی ینهایکّی مینگ ۲۵کیشی طبي دوالنیشگه محتاج بۉلگن.
کوچلی ایسّیق بوتون جَنوبي کوریل بۉیلب ساغلیقنی سقلش ساحهسیده فوق العاده حالت اعلان قیلینیشیگه سبب بۉلدی. حکومت اېسه ایلک بار پایتخت سېول نینگ برچه اهالیسی اوچون اېنگ یوقاری درجهدهگی ایسّیق تۉلقینی آگاهلنتیریشینی اعلان قیلدی.
حاضرگچه اېنگ یوقاری حرارت جَنوبي کوریانینگ جَنوبی-شرقیدهگی ینگسن شهریده قید اېتیلدی. بو یېرده هوا حرارتی۴۲.۵ درجه سېلسيگه یېتگن.
بو ۱۹۰۴-ییلدن بویان، یعنی مملکتده هوا حرارتی رسمي روشده قید اېتیله باشلهگنیدن بېری ایلک بار حرارت۴۲.۵درجه سېلسيگه کۉتریلیشی حسابلنهدی.
جَنوبی-شرقدهگی تېگو «دائگو» شهری و «گوریونگ» تومنیده هم هوا حرارتی ماس روشده۴۰.۹و۴۱.۲ درجه سېلسينی تشکیل اېتدی.
پایتخت سئولده هم هوا حرارتی۳۸ درجهدن آشگنی سببلی شهر اهالیسی اوچون یوقاری درجهدهگی آگاهلنتیریش اعلان قیلیندی.
جاري یاز موسمیده دنیا نینگ کۉپلب مملکتلری مثلی کۉریلمهگن ایسّیق تۉلقینینی باشدن کچیرماقده.
اروپا نینگ بیر نېچه دولتلریده ایسّیق تۉلقینی ییریک اۉرمان یانغینلریگه سبب بۉلدی. شونینگدېک، جون آییده قطعهده 10 مینگدن آرتیق قۉشیمچه اۉلیم حالتی قید اېتیلدی.
متخصصلر نینگ تأکیدلشیچه، اقلیم اۉزگریشی دنیا بۉیلب کوچلی ایسّیق تۉلقینلری نینگ کۉپهییشیگه آلیب کېلماقده. اولر بوندهی حادثهلرنینگ آلدینی آلیش اوچون اقلیم اۉزگریشیگه قرشی کورهشنی کوچهیتیریش، جملهدن، قزیلمه یاقیلغیلردن فایدهلنیشنی کمهیتیریش ضرورلیگینی تأکیدلهماقده.
