اطلاعات روز: هلمند کې د طالبانو مسوولین وایي، چې د دې ولایت په ګرشک او باباجي ولسوالیو کې د اسماني تندر پریوتو له کبله یو کس وژل شوی او درې نور ټپیان دي.
په دې ولایت کې د طالبانو د اطلاعاتو او کلتور رییس حافظ راشد وایي، چې تېره شپه (جمعه، ۲۴ د وري) په باباجي او ګرشک ولسوالیو کې د تیز باد او باران له کبله د تندر پریوتو دوو جلا پیښو مرګ ژوبله اړولې.
نوموړی زیاتوي، چې په باباجي ولسوالۍ کې د تندر پریوتو له کلبه یو کس وژل شوی او د ګرشک په پیښه کې بیا یو ه ښځه او دوه ماشومان ټپیان شوي دي.
د راشد په خبره، ټپیان د درملنې په موخه روغتون ته انتقال شوي دي.
تېره ورځ په کندهار ولایت کې هم د یو ځوان پر سر تندر راپریوتی او وژلی یې و.
د هیواد په نږدې ټولو ولایتونو کې د پرون راهیسې ورښتونه دوام لري چې په ځینو ولایتونو کې یې خلکو ته ځاني او مالي زیانونه اړولي دي.