ایران جمهور رییسی مسعود پزشکیان، اگر امریکا قۉشمه ایالتلری اسلام آباد شرطنامهسیدهگی اۉز مجبوريتلریگه قَیتسه، ایران هم اونگه عمل قیلیشگه تیار اېکنینی ایتدی.
پزشکيان بو حقده بوگون (سهشنبه، ۱۰-سنبله) قیرغیزستان پایتختی بیشکېکده بۉلیب اۉتهیاتگن «شانگهای همکارلیک تشکیلاتی» نینگ ۲۵-ییغیلیشیده معلوم قیلدی.
ایران جمهور رییسی پاکستان و قطر دولتلرینینگ مذاکرهلری و واسطهچیلیگی نتیجهسیده ایشلب چیقیلگن همده ۲۸-جوزاده امضالنگن «اسلام آباد شرطنامهسی» ایکّی هفته هم دوام اېتمهگنینی ایتدی.
پزشکيان شوندهی دېدی: «امریکا نینگ جمهور رییسی امضاسی قۉییلگن حجت بۉییچه مجبوريتی ایکّی هفتهگه هم یېتمهدی و بو مملکتنینگ اۉز مجبوريتلریگه نسبتاً حددن تشقری طلبچنلیگی و وعدهلریگه عمل قیلمسلیگی باشلندی، بو حالت هنوز دوام اېتماقده».
اونینگ قۉشیمچه قیلیشیچه: «اگر امریکا شرطنامهدهگی اۉز مجبوريتلریگه قَیتسه، ایران اسلام جمهوریتی هم درحال اۉزارا جواب چارهلرینی کۉرهدی».
بو بیانات ایران و امریکا جمهور رییسلری تامانیدن اسلام آباد شرطنامهسینی امضالنگن بیر پیتده ینگرهماقده. یکوني کېلیشووگه اېریشیش اوچون تخنیکي مذاکرهلرنی باشلش، ایران و امریکا اۉرتهسیدهگی اوروشنی دایمي روشده توگهتیش، هرمز بۉغازینی اوروش باشلنیشیدن آلدینگی حالتگه قَیتریش و امریکا تامانیدن ایرانگه نسبتاً جاري اېتیلگن دېنگیز قملینی بېکار قیلیش رېجهلشتیریلگن اېدی.
بیراق شرطنامه نینگ بیر نېچه بار بوزیلیشی و هر ایکّی تامان اونگه رعایه قیلمسلیگینی رسماً اعلان قیلگنیدن سۉنگ، حربي تۉقنهشوولر هم باشلندی، هرمز بۉغازی خوفلی حدودگه ایلندی و ایرانگه قرشی دېنگیز بلاکدهسی اوزهیتیریلدی.
تۉغریدن-تۉغری تۉقنهشوولر بیر آیگه تۉختهگنیدن سۉنگ، تیناوون امریکا ینه ایران جَنوبیدهگی لارک آرالیگه هجوم قیلدی، ایران اېسه اردندهگی امریکا نینگ ایکّی حربي پایگاه سینی راکت هجوملریگه نشان قیلدی.
