«بیرلیک یولی راه وحدت» سیاسي آقیمی تنیقلی دین عالِمی و مدرس مولانا علی احمد جلالی نینگ طالبلر تامانیدن حبسگه آلینگنینی قارهلب، اونینگ زودلیک بیلن آزاد اېتیلیشینی طلب قیلدی.
بو آقیم بیاناتیده مولانا جلالينینگ هېچ قندهی سیاسي حزب یاکه گروهگه علاقهسی یۉقلیگی، اونینگ فعالیتی فقط اۉز قرهشلری و دیني فکرلرینی بیان اېتیش همده معروضهلر قیلیش بیلن چېکلنگنی ایتیلگن.
«بیرلیک یولی راه وحدت» اونینگ حبسگه آلینیشینی خواطرلی و کېسکین ناراضیلیک اویغاتووچی حالت دېب اتهب، اگر اونگه نسبتاً عیبلاو موجود بۉلسه، ایش بۉییچه انیق و عدالتلی محکمه جریانی اۉتکزیلیشی کېرهکلیگینی تأکیدلهگن.
مذکور سیاسي آقیم، شونینگدېک، مولانا جلالينینگ حبسگه آلینیشی، اولر نینگ تأکیدلشیچه، طالبلر حکومتی نینگ «زۉرآور و استبدادکار» قیافهسینی ینه بیر بار نمایان اېتیشینی بیلدیرگن.
