بیرلشگن ملتلر تشکیلاتی باش عمومی ییغینینینگ ۸۱ ییغیلیشیده بوگون (سهشنبه، ۳۱سنبله) اوشبو تشکیلات باش کاتبی آنتونیوگوتدش نینگ نطقی بیلن باشلندی.
اوشبو ییغین شو آی نینگ ۲۸-سنهسیگچه دوام اېتهدی. اونده دنیا نینگ تورلی مملکتلری رهبرلری، جملهدن، اوروش حالتیده بۉلگن ایکّی دولت — امریکا و ایران جمهور رییسی هم نطق سۉزلهیدی.
بیرلشگن ملتلر تشکیلاتی باش کاتبی اۉز نطقیده یقین شرقدهگی تۉقنهشوولر کېنگهییب و کوچهییب بارهیاتگنینی ایتیب، جهان یېتکچیلرینی باش اسّمبلېیه سېسّیهسیده بیرگهلیکده انیق خبر یوباریشگه چقیردی: «برچه تۉقنهشوولر توختهتیلیشی کېرهک».
او شونینگدېک: «انسانپرورلیک یاردم یېتکزیب بېریلیشی دوام اېتیشی کېرهک و کېمهلر قتناوی حقوقی همده اېرکینلیکلری خلقارا حقوققه تۉلیق موافق روشده تیکلنیشی لازم»، دېدی.
گوترش غزدهگی اوروش و باسیب آلینگن فلسطین حدودلریدهگی زۉرآورلیکلرگه هم توختهلیب، «اسرایل نینگ باسیب آلینگن غربي ساحلده زۉرآورلیک، اهالی نینگ مجبوري کۉچیریلیشی و اهالی پونکتلرینی کېنگهیتیریشی تینچلیک یۉلینی یۉققه چیقرماقده همده اېتنیک تازهلش خوفینی آشیرماقده»، دېدی.
او، شونینگدېک، فلسطین و اسرایل اۉرتهسیدهگی اوروشنی یکونلش اوچون ایکّی دولت یېچیمینی قۉللب-قوّتلشینی تأکیدلب، بو یېچیم نینگ یۉق بۉلیب کېتیشیگه یۉل قۉییب بۉلمسلیگینی ایتدی.
بیرلشگن ملتلر تشکیلاتی باش کاتبی روسیه و اوکراین اۉرتهسیدهگی اوروشگه هم توختهلیب، روسیه نینگ اوکراینگه باستیریب کیریشینی «بمت نظامی نینگ آچیقدن-آچیق بوزیلیشی» دېب بهالهدی.
او، شونینگدېک، میانمارده هم ینه بیر انقراض خلقارا اعتباردن چېتده قالیش خوفی آستیده اېکنینی ایتدی. اونینگ تأکیدلشیچه، زۉرآورلیک کوچهیماقده، اهالی نینگ عامهوي کۉچیریلیشی دوام اېتماقده و ترهنسمیللي جنایتلر کېنگهیماقده.
گوترش شوندهی دېدی: «بو و باشقه کۉپلب ماجرالر حاکمیت نظارتسیز قالسه، نیمهلر یوز بېریشینی کۉرسهتماقده. کوچ دیپلوماتيکدن اوستون کېلماقده، حربي بودجېتلر کېسکین آشماقده و جوابگرلیک چېتگه سوریلماقده».
بیرلشگن ملتلر تشکیلاتی باش کاتبی، شونینگدېک، اوشبو تشکیلات خوفسیزلیک کېنگشینی اصلاح قیلیش و افریقا قطعهسیدن کېنگشده دایمي وکیل بۉلیشینی طلب قیلدی.
