امریکا قۉشمه ایالتلرینینگ جمهو رییسی دونالد ترامپنینگ ایتیشیچه، اگر اېران اونی سوءِقصد قیلیشگه اورینسه، قۉشمه ایالتلر اوردوسی ایران نینگ برچه منطقهلرینی ویران قیلهدی.
ترامپ بوگون (شنبه، ۱۹-سرطان) تروثسوشیال ترماغیده اعلان قیلگن بیاناتیده بوندهی تهدیدگه جواب بېریش اوچون حاضردناق ۱۰۰۰ ته راکت ایراننی نشانگه آلگنینی معلوم قیلدی.
او شوندهی یازدی: «۱۰۰۰ ته راکت تیارلنگن و ایران اسلام جمهوریتیگه قرهتیلگن. اگر ایران حکومتی امریکا جمهور رییسینی سوءِقصد قیلیش تهدیدینی عملگه آشیرسه یاکه بونگه اورینسه، درحال اونینگ آرتیدن ینه مینگلب راکتلر اوچیریلهدی.»
ترامپ نینگ قۉشیمچه قیلیشیچه، بو بارهدهگی بویروق آلدیندن بېریلگن.
او امریکا اوردوسی بیر ییل دوامیده، ضرورت توغیلگنده بو مدتنی اوزهیتیرگن حالده، «ایران نینگ برچه حدودلرینی تۉلیق ویران قیلیشگه تیار، بونگه تیارلیک بیلدیرگن و بونگه قادر»، دېب تأکیدلهدی.
ترامپ نینگ بو ینگی بیاناتی اسرایل ایران ترامپگه سوءِقصد اویوشتیریشگه اورینهیاتگنی حقیده دعوا قیلگن بیر پیتده ینگرهدی.
شونینگدېک، ایران نینگ سابق عالي رهبری علی خامنهای نینگ دفن مراسمیده ترامپنی اۉلدیریشگه چقیرووچی صورتلر و شعارلر نمایش اېتیلگنی ایتیلگن. اَیریم ایرانگه یقین عامهوي اخبارات واسطهلری هم خامنهاي اوچون قصاص آلیش مقصدیده ترامپنی اۉلدیریشگه چقیرگن.
بیراق حاضرگچه ایران نینگ رسمي عملدارلریدن هېچ بیری امریکا جمهور رییسینی اۉلدیریش رېجهلری بارلیگینی رسماً معلوم قیلمهگن.
