سعوديه عربستانی تشقی ایشلر وزیرلیگینینگ معلوم قیلیشیچه، ولیعهد شهزاده محمد بن سَلمان و امریکا جمهور رییسی دونالد ترامپ تیلفون آرقهلی ملاقات قیلیب، ایکّی تامانلهمه مناسبتلر همده منطقهدهگی سۉنگگی وضعیتنی بحث قیلگن.
وزیرلیک بوگون (شنبه، ۲۰-سرطان) نشر قیلگن بیاناتده ایتیلیشیچه، تامانلر منطقهدهگی سۉنگّی اۉزگریشلر، جملهدن امریکا و ایران اۉرتهسیدهگی مذاکرهلرنی کۉریب چیققن.
شونینگدېک، اولر دېنگیز قتناوی خوفسیزلیگینی تأمینلش، دېنگیز یۉللرینی حمایه قیلیش همده منطقوي خوفسیزلیک و برقرارلیکنی مستحکملشگه قرهتیلگن سعی-حرکتلرنی قۉللب-قوّتلش مهملیگینی تأکیدلهگن.
تیلفون ملاقاتی ایران و امریکا اۉرتهسیده ینگی کېسکینلیک تۉلقینی یوزهگه کېلیب، تامانلر اۉزارا هجوملر اویوشتیرگنیدن سۉنگ بۉلیب اۉتدی.
سعوديه عربستانی امریکا و اسرایلنینگ ایران بیلن اوّلگی اوروشی چاغیده بیر نېچه بار ایران راکت و درون هجوملری نشانیگه ایلنگن منطقه دولتلریدن بیری اېدی. بیراق سۉنگّی کېسکینلیک پیتیده ایران سعوديهدهگی امریکاگه تېگیشلی پایگاه لرگه ضربه بېرمهگن.
