انسان حقوقلری تشکیلاتی هه‌نگاو خبریگه کۉره، ایران حکومتی اۉتگن آیده بېش کیشی افغانستان وطنداشینی قتل اېتگن.
اوشبو تشکیلات گزارشیگه کۉره، سپتامبر آییده ایران اسلام جمهوریتی‌نینگ تورلی قماقخانه‌لریده جمعی ۶۸ کیشی محبوسگه نسبتاً اۉلیم جزاسی اجرا اېتیلگن.
هه‌نگاونینگ معلوم قیلیشیچه، بو کۉرسه‌تکیچ اۉتگن آیگه نسبتاً کمیده ۲۳.۵ فایزگه، یعنی ۲۱ حالتگه کمه‌یگن. اگوست آییده ۸۹ نفر محبوس قتل اېتیلگن اېدی.
اوشبو تشکیلات آماری معلوماتلریگه کۉره، اگوست آییده هم افغانستان نینگ تۉرت کیشی وطنداشی قتل اېتیلگن. اوندن آلدینگی آی، یعنی جولای آییده اېسه ایران حکومتی افغانستان‌نینگ بیر کیشی فقراسینی قتل اېتگن.
ایران‌ده اۉلیم جزاسیگه حکم قیلینگن افغانستانلیکلرگه قۉییلگن اساسي عیبلاولر گیاهوند مادّه‌لر سوداسی و قاتللیک اېکنی بیلدیریلگن.
افغانستان وطنداشی ایرانده‌گی خارجلیک محبوسلرنینگ اېنگ کتّه قِسمینی تشکیل اېته‌دی. سۉنگگی ییللرده بو مملکتده‌گی افغانستانلیک محبوسلر سانی آلتی مینگ نفر اېکنی معلوم قیلینگن.
سۉنگگی ییللرده ایران‌نینگ طالبلر حکومتی بیلن کېلیشووی اساسیده افغانستانلیک محبوسلرنینگ بیر قِسمی افغانستان‌گه کۉچیریلگن.
