منبعلر خوست ولایتی‌نینگ «علی شیر» اولسواللیگی‌ده بیر یاش ییگیت زهرلی مادّه ایچیب، اۉز جانیگه قصد قیلگنینی اَیتماقده.
منبعلرگه کۉره، بو ییگیت «حمیدگل» اسملی بۉلگن و تیناوون (شنبه، ۱۱ میزان) علیشیر اولسواللیگی‌نینگ «متاخیل» قیشلاغیده اۉز جانیگه قصد قیلگن.
منبعلرنینگ ایتیشیچه، ۲۸ یاشلی ییگیت شفاخانه‌گه آلیب کېتیله‌یاتگن پیتده وفات اېتگن و اونینگ جسدی بوگون دفن اېتیلگن.
بو ییگیت‌نینگ اۉز جانیگه قصد قیلیشیگه سبب حاضرچه معلوم اېمس.
طالبلر افغانستان‌ده قَیته حاکمیتنی اېگه‌لله‌گنیدن بېری مملکت نینگ تورلی ولایتلریده یاشلر اۉرته‌سیده اۉز جانیگه قصد قیلیش حالتلری سېزیلرلی درجه‌ده آشگن.
بونده‌ی حالتلر نینگ کۉپچیلیگیگه کېله‌جککه نسبتاً امیدسیزلیک، قشّاقلیک، ایشسیزلیک، اقتصادي معمالر و روحي کسللیکلر سبب بۉله‌یاتگنی ایتیله‌دی.
