بیرلشگن ملتلر تشکیلاتینینگ انسانپرورلیک یاردملرنی موافقلشتیریش اداره (اوچا) افغانستانگه انسانپرورلیک یاردمینی یېتکزیش اوچون ۱۸ میلیون دالر اجره‌تیلگنینی معلوم قیلدی.
اوچا بوگون (سه‌شنبه، ۱۴مېزان) ایکس اجتماعي ترماغیده یازیشیچه، بو مبلغ بیرلشگن ملتلر تشکیلاتینینگ مرکزي فوق العاده وضعیتلرگه جواب بېریش جمغرمه‌سیدن (CERF) افغانستانگه اجره‌تیلگن.
مذکورنینگ اداره قۉشیمچه قیلیشیچه، افغانستانده ۲۱.۹ میلیون کیشی انسانپرورلیک یاردمیگه محتاج بۉلیب، ۲۰۲۶-ییلگی انسانپرورلیک یاردم رېجه‌سی نینگ اتیگی ۳۱ فایزگه یقینی مالیه‌لشتیریلگن. شو سببلی اوشبو یاردم جوده مهم بیر پیتده تقدیم اېتیلماقده.
بیرلشگن ملتلر تشکیلاتی‌باش کاتبی نینگ انسانپرورلیک مسأله‌لر بۉییچه اۉرین‌باسری و فوق العاده یاردملر کوریناتوری تام فلجر بیرلشگن ملتلر تشکیلاتینینگ مرکزي فوق العاده وضعیتلرگه جواب بېریش جمغرمه‌سیدن مبلغ یېتیشمه‌یاتگن ۱۲ ته انقراضنی برطرف اېتیش اوچون ۱۶۰میلیون دالر اجره‌تیشنی معقولله‌گنینی معلوم قیلدی.
او ایکس اجتماعي ترماغیده یازیشیچه، اوشبو مبلغ نینگ ۱۰ میلیون دالری معلوللیگی بۉلگن انسانلر یاردمدن چېتده قالمسلیگینی تأمینلش اوچون اجره‌تیلگن.
فلجر شونده‌ی یازگن: «۸۷ میلیون کیشیگه یاردم کۉرسه‌تیلیشی رېجه‌لشتیریلگن. وقتنی بای بېریشگه حققیمیز یۉق.»
بیرلشگن ملتلر تشکیلاتی رسميسی دنیاده اېنگ کۉپ اعتباردن چېتده قاله‌یاتگن انقراضلر اونوتیلگن بحرانلرگه ایلنیب قالمسلیگی کېره‌کلیگینی تأکیدله‌دی.
