کابل–قندهار قتناوو یۉلی نینگ قندهار ولایتی حدودیدن اۉتووچی قِسمیده ترافیک حادثه‌سی یوز بیریشی عاقبتیده کمیده بېش کیشی هلاک بۉلگن، ینه ۱۵کیشی جراحتلنگن.
طالبلرنینگ قندهار ولایتی امنیه قوماندانلیگیده ترافیک حادثه‌لرینی کۉریب چیقیش بۉییچه مسوول محمد طاهرنینگ ایتیشیچه، حادثه بوگون، پنج‌شنبه کونی (۲۳میزان) تانگگی ساعت ۴:۳۰ اطرافیده دامان اولسواللیگی‌گه قره‌شلی «اعظم قلعه» حدودیده صادر بۉلگن.
اونینگ سۉزلریگه کۉره، واقعه وقتیده «۵۸۰» روسوملی یۉلاوچی اتوبوسی «تیلر» روسوملی یوک تشووچی موتر بیلن تۉقنه‌شگن.
حادثه‌‌نینگ انیق سببی حاضرچه معلوم اېمس. بیراق شونگه اۉخشش کۉپلب حالتلرده هیداوچیلر نینگ احتیاطسیزلیگی، جمله‌دن، یوقاری تېزلیکده حرکتلنیش و یۉل حرکتی قاعده‌لریگه رعایه قیلمسلیک مملکت قتناوو یۉللریده‌گی هلاکتلی حادثه‌لر نینگ اساسي عامللری صفتیده کۉرسه‌تیله‌دی.
