جوزجان ولایتی‌نینگ مرکزی شبرغان شهریده بیر اېرکک اکه‌سی یاکه اوکه‌سی تامانیدن اۉلدیریلگنی حقیده محلي منبعلر خبر بېرماقده.
بیر منبع «اطلاعات روز» گزیته‌سیگه ایتیشیچه، ۴۰یاشلی اېرکک تیناوون (چهارشنبه، ۲۲ میزان) شبرغان شهری نینگ «بابا علی اۉزبېکي» قیشلاغیده پیچاق بیلن اوریب اۉلدیریلگن.
جوزجانده‌گی طالبلرنینگ خوفسیزلیک مسووللری بو خبرنی تصدیقلب، قتل‌نینگ اکه‌سی یاکه اوکه‌سی حبسگه آلینگنینی معلوم قیلگن.
جوزجان ولایتی طالبلر امنیه قوماندانلیگی مطبوعات سوزلاوچیسی عبدالستّار حلیمي مقتل‌‌نینگ اکه‌سی یاکه اوکه‌سی قاتللیکده گمانلنیب حبسگه آلینگنینی ایتگن.
حلیميگه کۉره، بو اېرکک اکه‌سی یاکه اوکه‌سی تامانیدن پیچاق بیلن جراحتلنگن و مزاری شریف شهریده‌گی ابو علی سینا بلخي ولایت شفاخانه‌سیگه آلیب کېتیلگنیدن سۉنگ وفات اېتگن.
اونینگ ایتیشیچه، قاتللیک سببی حاضرچه نامعلوم. واقعه‌نینگ قنده‌ی صادر بۉلگنی یوزه‌سیدن تېرگاو باشلنگن.
