«آکسیوس» ترماغی امریکا قوشمه ایالتلری رسميلریگه ته‌یه‌نیب خبر بېریشیچه، امریکا اوردوسی ایرانگه قرشی هجوملرنی قَیته باشلشگه تیارگرلیک. کۉرماقده.
اوشبو نشر بوگون (پنج‌شنبه، ۱۶-میزان) یازیشیچه، احتمالي هجوملر نوامبر آییده امریکاده بۉلیب اۉته‌دیگن آره‌لیق سیلاولردن آلدین عملگه آشیریله‌دی.
خبرگه کۉره، پنتاگون بیر نېچه کون اوّل امریکا اوردوسی‌نینگ مرکزي قوماندانلیگیگه (سنتکام) ابرانگه قرشی ییریک جنگاور عملیاتلرنی قَیته باشلش اوچون ضرور تیارگرلیکلرنی یکونلش بۉییچه کۉرسه‌تمه بېرگن.
پنتاگون هجوملرنی باشلش اوچون انیق سنه بېلگیله‌مه‌گن. یکوني قرارنی اېسه امریکا جمهور رییسی دونالد ترامپ قبول قیله‌دی.
شونگه قره‌مه‌ی، امریکا و اسرایل رسميلری هجوم امریکاده‌گی آره‌لیق سیلاولردن آلدین، احتمال، اسرایلده‌گی سیلاولردن هم (اولر بیر هفته آلدین اۉتکزیله‌دی) اوّل عملگه آشیریلیشی ممکنلیگینی اَیتماقده.
خبردار منبعلرنینگ ایتیشیچه، هجوملر قَیته باشلنگن تقدیرده، ایران‌نینگ انرژی ساحه‌سی، تاسیساتلری و هستوي اۉبژېکتلری کېنگ کۉلمده بامباردمان قیلینه‌دی.
تیناوون «اتلانتیک» ژونالی هم شونگه اۉخشش خبر نشر قیلگن اېدی.
