«قطعهسبز» حربي قناتی، اوشبو بۉلینمه کوچلری پنجشیرده طالبلرنینگ بیر تیک اوچرینی اوریب توشیرگنینی دعوا قیلدی.
«روندسبز» ایکس‌ده‌گی بیاناتیده ایتیشیچه، تیک اوچر تیناوون (چهارشنبه، ۱۵ میزان) اېرته‌لب ساعت ۷:۱۵ لر اطرافیده نشانگه آلینگن.
«قطعه سبز» نینگ ایتیشیچه، اوریب توشیریلگن تیک اوچرنینگ قالدیقلری آرزو دره‌سی حدودیده قالگن.
مذکور بۉلینمه تیک اوچرنینگ «عبدالعظیم» و «محمد نعیم» اسملی ایکّی اوچووچیسی آغیر یره‌لنگنینی و اولر کابلده‌گی سردار محمد داوودخان نامیده‌گی ۴۰۰ ا‌ۉرینلی شفاخانه‌گه آلیب کېتیلگنینی دعوا قیلماقده.
«روندسبز» نینگ ایتیشیچه، اوشبو تیک اوچر طالبلر هوا کوچلری باشلیغی «ملا نقیب‌الله مقیم»نی آلیب کېته‌یاتگن بۉلگن.
افغانستان نینگ سابق جمهور رئیس اۉرین‌باسری امرولله صالح باشچیلیگیده‌گی اوشبو حربي بۉلینمه اوریب توشیریلگن تیک اوچر هندستان تامانیدن جمهوریت اوردوسیگه ساوغه قیلینگن تیک اوچرلر ترکیبیدن اېکنینی بیلدیردی.
طالبلر حاضرچه بو باره‌ده هېچ قنده‌ی بیانات بېرمه‌گن.
۱۴۰۱-ییل نینگ جوزا آییده «افغانستان ملي قرشیلیک جبهه‌سی» هم پنجشیرده طالبلرنینگ بیر تیک اوچرینی اوریب توشیرگنینی دعوا قیلگن اېدی. بیراق طالبلر تیک اوچر تخنیکي ناسازلیک سببلی بیر دره‌ده فوق العاده قۉنیشگه مجبور بۉلگنینی معلوم قیلگن اېدی.
